Америк улс 50 мужаас бүрддэгийг бүгд мэднэ. Гэтэл энэ 50 мужийн нэг болох Техас улсынхаа армитай байлдахад бэлдэж байгаа итгэмээргүй мэдээ интернэтээр цацагдлаа.

"Washington Post" сонинд нийтлэгдсэн мэдээнд итгэхгүй гээд ч яах билээ.

Вашингтон армийнхаа хээрийн сургуулилтыг Техаст хийхээр шийдсэнээс бүх юм үүдэлтэй гэнэ. Гэтэл Техасын оршин суугчид үүнийг өөрийн мужийг нь эзлэн авч онц байдал зарлах гэж байна хэмээн сэжиглэн эсэргүүцэж байгаа аж.

"Хээрийн сургуулилт хийх нэрийдлээр бидний зэр зэвсгийг хураах гэж байгаа тул бид Пентагонд хариу өгнө" хэмээн Техасын иргэд мэдэгдсэн гэж "Washington Post"дамжууллаа.

Тэр бүү хэл техасчууд "Обама өөрт захирагддагүй мужийг эзлэн авч, манайхны 2016 онд явуулах сонгуулийг тасалдуулахыг зорьж байна. Тэр өөрийн эрх мэдлийг хэвээр үлдээхийг зорьдог" хэмээжээ.

Нэмж өгүүлэхэд, Техас муж нь газар нутгийн хэмжээгээр Америкт 2-т ордог, 696'241 км² талбайтай. Нэгт Аляск бичигддэг. Техас нь хүн амын тоогоор Калифорний дараа 2-т ордог, тодруулбал 26'956'958 хүнтэй.

Үнэндээ Техас муж бол АНУ-ын хөдөө аж ахуй, мал аж ахуй, боловсрол, санхүү, нефть байгалийн хий болон химийн үйлдвэрлэлийн төв юм.

Техасчууд сүүлийн үед АНУ-ын бүрэлдэхүүнээс гарах талаар их хөдөлгөөн өрнүүлэх болсон. Ялангуяа Бастроп тойрог нь АНУ-ын эсрэг их тэмцдэг, гэтэл яг энд Америкийн арми хээрийн сургуулилтаа явуулахаар сонгожээ.

Пентагоны төлөөлөгч, хурандаа Марк Ласторий одоо Техаст ирээд цэргийн сургуулилт явуулахаар ард иргэдийг ятгаж байна.

Харин Техасын амбан захирагч Грег Эббот шууд л Үндэсний гвардийнханд хандан "Цэргийнхний хээрийн сургуулилтыг онцгой анхааралтай ажиглаж бай" хэмээн тушаажээ.

Тэр бүү хэл орон нутгийн сенаторч Тед Круз "Вашингтонд итгэж болохгүй" гэж мэдэгджээ.