Бөхийн хорхойтнуудын дунд “жижиг” гэх тодотголтой А.Сүхбат аварга зодог тайлснаар зүлэг ногоон дэвжээнээ гараагүй. Түүний хувьд  Бөхийн холбооны Р.Нямдоржтой хэл амаа ололцдоггүй, мөн өөрийнх нь цолыг олгоогүй гэх зэрэгт гомдол тээж явсан. Гэсэн хэдий ч өнгөрсөн жилийн наадмын өмнө тэрбээр Монгол Улсын Ерөнхийлөгчийн зарлигаар дархан аварга гэх цолны эзэн болсон юм. Улмаар наадамд зодоглосон ч гурвын даваанд дархан аварга Г.Өсөхбаярыг амлаж авч, тахимаа өгснөөр бөхийн хорхойтнуудыг талцуулаад авсан. Тэгвэл А.Сүхбат аварга энэ жилийн наадамд зодоглох болов уу гэх асуулт ч гараад байсан. Харин А.Сүхбат аварга өчигдөр телевизийн нэвтрүүлэгт оролцох үеэрээ энэ жилийн наадамд зодоглоно хэмээн амласан юм. Тэгэхээр бөхийн хорхойтнууд түүнийг наадмын дэвжээнээ зодоглохыг харах нь ээ.