Нийслэлийн иргэд 0-1 хувийн татвар төлөхөөр болов

Нийслэлчүүд авсан бараа бүтээгдэхүүн тутамдаа татвар төлөхөөр боллоо. Өнгөрсөн баасан гарагийн чуулганы хуралдаанаар Нийслэл хотын албан татварын тухай хуулийн төслийг хэлэлцсэн билээ. Хуралдааны үеэр гишүүдийн олонхи нь “эдийн засаг хүнд байгаа үед шинээр татвар тогтоох шаардлагагүй” гэж үзэж байсан ч 76.6 хувийн саналаар батлав. Ингэснээр нийслэл хотын татвар төлөгчийн худалдан авсан бүх төрлийн согтууруулах ундаа, тамхинд "Нийслэл хотын албан татвар"-ыг ногдуулахаар болж байгаа юм.

Өөрөөр хэлбэл, 10000 төгрөгийн үнэтэй архи худалдан авсан хүн 100 төгрөгийн татварыг төлнө гэсэн үг. Гэхдээ нь тухайн худалдан авч буй бараа бүтээгдэхүүний үнэ дээр нэмэх байдлаар зохицуулах гэнэ. Түүнчлэн татвар төлөгчийн худалдан авсан зочид буудал, амралтын газар, зоогийн газар, баар, цэнгээний газрын үйлчилгээнд тус татварыг ногдуулах юм. Ингэхдээ байршил хүн амын төвлөрлийг харгалзан 0-1 хувийн хязгаарт багтаан татвар ногдуулна.

 Гэхдээ ямар бүтээгдэхүүнд хэдий хэмжээний татвар ногдуулахыг ойрын хугацаанд НИТХ батлах ажээ.

Г.Тайчир