Японы уран гулгагч Дэлхийн гурван удаагийн аварга Мао Асада Сочигийн өвлийн олимпын дараа зодог тайлсан билээ. Сочийн олимпийн өмнө ээжийгээ алдсаны улмаас медальд хүрч чадаагүй Мао Асада дахин бэлтгэлээ хийж эхэлсэн бөгөөд удахгүй тэмцээн уралдаануудад оролцож эхэлнэ гэдгээ албан ёсоор мэдэгджээ.
Хэвлэлийн хурал дээр Мао Асада: “Би жил гаруй хугацаанд амарлаа. Сүүлийн үед би тэмцээн уралдаанаа санаж эхэлсэн. Энэ бол миний дахин гулгаж эхлэх болсон шалтгаануудын маань нэг. Одоогоор би зөвхөн энэ улирлын тэмцээнүүдэд л зориулж бэлтгэл хийж эхэлсэн. Цаашдаа юу болохыг сайн мэдэхгүй юм. Хэрэв бүх зүйл сайнаар эргэвэл би 2018 онд өрсөлдөж магадгүй, үгүй ч байж магадгүй. Гэхдээ яг одоо бол би олимпийн талаар бодохгүй байгаа. Өмнөө тавьсан зорилгоо биелүүлэхээр л хичээж байна даа.” гэсэн юм.
Өдгөө 24 настай түүний ирээдүйн зорилго нь 2018 онд Өмнөд Солонгос улсын Пёнчан хотноо явагдах өвлийн олимп бөгөөд олимпоос алтан медаль хүртэх нь түүний мөрөөдөл юм.
