Кембрижийн гүн, гүнгийн ахайтан нар өнгөрсөн бямба гарагт буюу тавдугаар сарын 2-нд охинтой болсон билээ. Одоогоор охины нэрийг олонд зарлаагүй бөгөөд шинэ хүн Кембрижийн гүнж цолтой болох бөгөөд хаан ширээнд залрах хүний жагсаалтын дөрөвдүгээрт бичигдэх юм. Тэгвэл гүнжид зориулж Их Британид 10 мянган дурсгалын зоосон мөнгө хэвлүүлэхээр болжээ. Уг алтан зоос 40 хүртэл грамм жинтэй, 88-ын сорьцтой байх бөгөөд 500 ширхгийг урлах юм байна. Харин үлдсэнийг нь 28 грамм жинтэй мөнгөөр урлах аж. Зоосны нэг талд Британийн хатан хааны хөрөг, нөгөө талд сараана цэцэг дүрслэх гэнэ.