Японы хамгийн алдартай марафоны нэг, ОУХАХ-ны “Алтан” ангилалд багтдаг Lake Biwa Marathon өнөөдөр амжилттай зохион байгуулагдлаа. Тамирчдын түрүүч барианд орж ирсэн бөгөөд Монгол Улсын гавьяат тамирчин Б.Сэр-Од 2 цаг, 11 минут 18 секундын амжилтаар гуравдугаарт орж хүрэл медаль хүртсэн байна.

Кенийн Самуэль Ндунгу хоёр цаг, есөн минут 08 секундын амжилтаар тэргүүлжээ. Тэрбээр 2013 онд энэ уралдаанд түрүүлж байсан байна. Хоёрдугаарт өнгөрсөн жилийн Европын аварга, Италийн Даниэле Меуччи орж, манай тамиррчин удаалжээ.

Lake Biwa Marathon нь 1946 оноос хойш зохион байгуулагдаж буй, Японы хамгийн том марафоны нэг юм. Эх сурвалж: www.mminfo.mn