Бичлэгийн тоо 3,329
Монгол залуу хулгай хийж байгаад үйлдэл дээрээ баригджээ
Солонгос улсад түр хугацаагаар ирээд байхдаа хулгай хийж байсан Монгол улсын иргэн 30 настай эрэгтэй Б-г үйлдэл дээр нь баривчилжээ. Тэрээр хоёрдугаар сарын 06-ны өдрийн 19.30 цагт Сөүл хотын залуучуудын гудамж гэж нэрлэгдэх хөл, хөдөлгөөн ихтэй Хунгдэ гудамжинд 5 удаагийн үйлдлээр 4 ширхэг смарт гар утсыг бусдын халааснаас хулгайлжээ. Гэмт этгээд тав дахь үйлдэл дээрээ эргүүл хийж байсан цагдаагийн ажилтанд баригдсан байна.
Тэрээр урлагийн тоглолт үзэн зогсож буй иргэд, эсвэл ямар нэгэн зүйл худалдан авахаар олноороо бөөгнөрөн зогсож буй хүмүүс дээр очин, тэдний гадуур хуцасныхаа халаасанд хийж орхисон утсыг хулгайлж байжээ.
Өнгөрсөн сар Солонгост ирсэн Монгол залуу амралтын өдрүүд Хунгдэ гудамжинд очин смарт утсыг хулгайлж Монголд аваачиж худалддаг байсан нь илэрч байжээ.
