Киви хамтлагийн анхны гишүүдийн нэг, хамтлагийнхан дундаа хоолойныхоо ур чадвараар нэлээдгүй онцгойрдог байсан дуучин Энхзол продюсер Ангирмаатайгаа таарч тохироогүйн улмаас Киви жимсний нэг нь байхаас татгалзсан гэдэг. Нэг хэсэг Б продакшнтай хамтран уран бүтээл туурьвиж байсан тэрээр хэсэг хугацаанд урлагаас хөндийрсөн нь зарим нэг фэнүүд нь түүнийг санагалзахад хүргэсэн. Харин дуучин Энхзол NU Producing компанитай хамтран уран бүтээлээ дахин туурьвиж эхэлсэн байна. Тэрээр фэнүүддээ ДЗ мантай хамтран дуулж хэсэг шуугиулсан дуугаа дахин найруулж акустик хэлбэрээр гаргасан нь нэлээдгүй хүмүүсийн анхаарлыг татаад байгаа бөгөөд уг дуугаа ZOL нэрээр гаргаад байгаа билээ. Шинэ продюсертэй хамтран ажиллах болсон түүний дараагын уран бүтээлүүд хэр байхыг харах л үлдэж байх шив.