Хойд Солонгосын удирдагч Ким Чен Ун Өмнөд Солонгост цөмийн туршилт хийнэ гэж сүрдүүлжээ. Энэ нь АНУ болон Өмнөд Солонгосын 2000 гаруй цэрэг Солонгосын хойгийн ойролцоо өчигдрөөс эхлэн 14 хоногийн хугацаатай хамтарсан цэргийн сургуулилт хийж эхэлсэнтэй холбоотой юм.

Тэрээр “Хамтарсан цэргийн сургуулилтаа цуцалж, Солонгосын хойгт байршаад буй цэргээ татсан тохиолдолд пуужин харвахгүй. Харин эсэргүүцвэл цэргийн сургуулилт хийж буй объект алсын тусгалтай пуужин илгээх болно. Мөн АНУ-ын Батлан хамгаалах яам ямар нэгэн байдлаар эсэргүүцэж, дарамт учруулсан тохиолдолд сануулга өгөхгүйгээр цөмийн туршилт хийж, Өмнөд Солонгосчуудыг хүйс тэмтрэх болно” гэсэн байна.

Одоогоор Хойд Солонгос дайны бэлэн байдалд шилжээд байгаа бөгөөд Солонгосын хойгийн ойролцоо 7-8 ширхэг ойрын болон дунд тусгалын пуужин байршуулж, явган цэргийн ангийнхан хээрийн сургуулилтыг хийж эхэлсэн хэмээн Өмнөдийн тагнуулууд мэдээлэв.

Энэхүү мэдэгдлийн дараа АНУ-ын Ерөнхийлөгч Барак Обама Хойд Солонгос ямар ч аргаар эсэргүүцлээ илэрхийлсэн цэргийн сургуулилтаа хугацаанаас өмнө цуцлахгүй гэсэн байна.