Цусан дахь чихрийн түвшинг тогтворжуулж, толгойны өвчинг үгүй хийхэд туслах шарталтын эсрэг маш үр дүнтэй бэлдмэл хямдхан байх боломжтой гэдгийг Их Британийн эрдэмтэд өгүүлэв. Шөнөжингөө ууж идэж, наргиж цэнгэсэн бол өглөө нь гадил жимс идэхийг тэд санал болгожээ. 

Энэхүү судалгааны ажлыг Роб Хикс гэгч эмч явуулсан байна. Түүний үзэж байгаагаар урьд шөнө нь согтууруулах ундааг хэтрүүлж хэрэглэсэн бол өглөөний цайн дээр гадил жимс идэх нь хамгийн сайн гэнэ. Энэ жимс өглөө хоол унд идэх дур хүсэл оволзохгүй байхад идэхэд тун тохиромжтой бөгөөд шарталтын шинж тэмдгүүдийг багасгахад тус болно.  Согтууруулах ундааг хэтрүүлэн хэрэглэсний маргааш өглөө гадил жимсийг хүчлэн идвэл цусан дахь чихрийн түвшин сэргэж, дотор муухайрах үзэгдэл намждаг аж. Харин өөх тостой юм уу чихэрлэг хоол хүнс эсрэгээрээ цусан дахь чихрийн хэмжээг маш хурдан ихэсгэдэг учраас шартсан хүний биеийн байдал улам муудах аюултай гэнэ.