Сонгинохайрхан дүүргийн нутаг дэвсгэрт таксины жолооч үйлчлүүлэгч эмэгтэйгээ хүчирхийлэхийг завдаж, улмаар хутгалж хээр хаясан хэрэг гарчээ. Тодруулбал, 22-ын товчооноос 30 гаруй насны эмэгтэй 61-ийн гармын орчимд айлд очиж ирэхээр такси барьжээ. Таксины жолооч 50 гаруй насны этгээд байсан бөгөөд үнэ мөнгөнөөс болж маргалдсан бололтой хээр аваачин цээж, гарыг нь хутгалж хаячихаад явсан аж.

Хохирогч эмэгтэйг ямаа хариулж явсан хоёр охин олсон бөгөөд хохирогч “Амь авраарай, аллаа” хэмээн орилоод байхаар нь яваад очтол сэжигтэн этгээд машинаа асаагаад зугтаасан гэнэ. Тэр даруй нөгөө охид цагдаад мэдэгдсэн бөгөөд сэжигтэн этгээдийг айлд байхад нь баривчилжээ. Хэргийг Сонгинохайрхан дүүргийн Цагдаагийн хэлтэст үргэлжлүүлэн шалгаж байна.
Эх сурвалж www.wikimon.mn