Израилийн “StoreDor” компани хагас минутын дотор утас цэнэглэдэг төхөөрөмж бүтээжээ. Тэд нэгэн технологийн үзэсгэлэнгийн үеэр 26 секундэд “Samsung galaxy S4” маркийн утсын цэнэгийг дүүргэж үзүүлсэн байна. Энэ төхөөрөмж одоогоор загвар төдий гэнэ. Олон маркийн утас болон бусад зайгаар ажилладаг зүйлст зориулан шинэчилж худалдаалахын тулд гурван жил зарцуулах гэнэ.

Тус био-органик цэнэглэгчийг арван жилийн өмнө Тель-Авивийн их сургуульд уушигний өвчнийг нано талстаар эмчлэхээр судалж байгаад бүтээжээ. “Электролитийн гүйцэтгэлийг нэмэгдүүлж био-органик материал гаргаж авснаар цэнэглэгчийн амин сүнсийг бий болгосон” хэмээн зохион бүтээгч Дорн Мейрдорф хэлжээ. Уг төхөөрөмжийг одоогийн цэнэглэгчүүдээс хоёр дахин илүү үнэтэй байна гэж тооцоолсон байна