Өөрийн зургаа өөрөө авах буюу Selfie ихэдвэл оюун санааны нэг төрлийн донтох өвчин болдогийг шинжээчид тогтоожээ.  Ялангуяа өөрийн зургаа хэт их авдаг хүмүүс ихэвчлэн бие галбирынхаа аль нэг хэсэгт сэтгэл хангалуун бус байдаг гэнэ. Тэд өөрт таалагдах хамгийн гоё зургийг авах хүртлээ хэдэн ч удаа хамаагүй зургаа дарсаар л байдаг юм байна.  Өдөрт арван цагийг 200 гаруй selfie авахад зориулдаг байна.

  Сэтгэцийн эмч Дэвид Вил “Өвчтнүүдийн маань 2/3 нь биеийн гадаад байдалдаа сэтгэл хангалуун бус хүмүүс байдаг. Ухаалаг утас хүний хэрэгцээнд нэмэгдэхийн хэрээр тэд өөрсдийн selfie-г авч олон нийтийн сүлжээнд байршуулах сонирхолтой болдог. Ингэхийн тулд тэд хамгийн төгс гэсэн зургаа авах гэсээр сүүлдээ донтдог” гэжээ.

  Нэгэн жишээ дурдахад Английн  өсвөр насны  Дэнни Боумэн гэх нэгэн хүү өөрийнхөө авсан зургуудад сэтгэл хангалуун бус байсан учир амиа егүүтгэх гэж хүртэл оролдож байжээ. 15 настай байсан тэрээр өдөрт арван цагийг 200 гаруй selfie авахад зориулдаг байсан бөгөөд үүнээсээ болж сургуулиа ч орхиж, 12 кг жин хасчээ. Аз болоход түүний ээж энэхүү байдлаас нь аварсан байна. Тэрээр Sunday Mirror сонинд өгсөн ярилцлагандаа “Би найз нөхөд, боловсрол, эрүүл мэнд гээд бараг бүхэл бүтэн амьдралаа алдсан. Өдрийн ихэнх цагийг selfie авч өнгөрөөдөг байсан” гэжээ.

эх сурвалж www.gogo.mn