Их Британид хоёр настай хүү 911 рүү залгаж ээжийнхээ амийг аварсан талаар “ВВС” мэдээлжээ. Ийс Мидландын түргэн тусламжийн ажилтны мэдээлснээр, хоёр настай Райли Уорд хүү оператор руу залгаад “Ээж унтаад байна” гэж хэлсэн байна. Түргэн тусламжийнхан гэрт нь очиход ээж нь ухаан алдсан байдалтай байсан бөгөөд эмнэлэгт аваачиж цусны бүлэгнэлийн яаралтай хагалгаанд оруулсан аж. Түргэн тусламжийн төвийн зүгээс хүүг дуудлага өгсөн хамгийн залуу үйлчлүүлэгчээр нэрлэж шагнасан байна. Өдгөө 27 настай ээж нь жаахан хүүгээ 911 рүү залгаж, дуудлага өгсөнд одоо хэр нь итгэж чадахгүй байна гэж ярьжээ