Moderator: mgl_300
Бичлэгийн тоо 42,366
Өвөө минь үргэлж намайг “миний охин хол явна аа” гэж хэлдэг байлаа. Хөлөн дээрээ томоо мэнгэтэй төрсөн болохоор үүнийг нь бэлэгдэж “хол газар явах хүн” гэж хэлдэг байж л дээ. Харин тэр нэгэн эмэгтэй бүх л зүйлсийг хийхээс айна, халгана, чадахгүй бол яана аа, ер нь би чадахгүй байх гэж үргэлж бодно. Тэгээд л хэзээ ч туг барихгүй харин цуваан дунд хэний ч анхаарлыг татахгүйгээр дундажхан амьдрахыг хүсдэг болсон, тэгж ч амьдарсаар ирсэн.
Учир нь юу байв?
Түүний ээж нь түүнийг 5 настай байхаас нь эхлээд л одоо 25 хүртэл нь үргэлж “ЧИ ЧАДАХГҮЙ” гэж хэлдэг байв. Хоол хийж үзье гэхэд чи чадахгүй гэж анх хэлсэн, түүнээс хойш олимпиадад орох болход нь чи чадахгүй, англи хэл сураад гадагшаа явья гэтэл чи чадахгүй, төрийн албан хаагч больё гэтэл чи чадахгүй, одоо тусдаа гарья гэтэл бас л чи чадахгүй гэж хэлнэ.
Ингээд л ээжийнх хэлсэн, хэлж ч байгаа “чи чадахгүй” гэсэн үг нь түүний тархинд шивээс мэт хадагдаад үлдчихсэн ба ямар нэгэн юм хийж үзье гэж бодогдох бүрт чи чадахгүй гэсэн үг чихэнд нь цурайтах шиг болдог байлаа.
Ээжийнх нь түүнд суулгаж өгсөн чи чадахгүй гэсэн ИТГЭЛ ҮНЭМШИЛ нь түүнийг үргэлж өөрийгөө бусдаас дор мэтээр бодоход хүргэж, өөртөө итгэх итгэлийг нь ховх сороод, өдөр ирэх тусам улам сул дорой үзэлтэй нэгэн болгож хувиргасан юм.
Энэхүү 2 жишээг энд дурдсаны учир би энэ удаагийн нийтлэлээрээ бусад хүмүүсээс үүсэлтэй итгэл үнэмшил бидний амьдралыг хэрхэн хөдөлгөж байдаг тухай өгүүлэхийг хүссэн билээ. Бид хүүхэд байхаасаа эхлээд л эргэн тойрны хүмүүсийн хэлсэн үгсээс өөртөө маш том итгэл үнэмшилүүдийг олж авсан байдаг.
Еврейчүүдийг анх төрхөд нь “энэ дэлхийн хамгийн баян, хамгийн ухаантай хүн төрлөө” гэж хэлдэг шиг, тэдгээр хүмүүс нь үнэхээр л хамгийн баян, хамгийн ухаантай хүмүүс болдог шиг итгэл үнэмшил ийм л үүрэгтэй. Ээж аавын хүүхэддээ байнга хэлдэг байсан үгс нь тухайн хүүхдийн сэтгэл зүрхэн дэхь бат итгэл нь болж хувирч, амьдралд нь асар их үүрэг гүйцэтгэж байдаг.
Ээж нь хүүхэддээ төрсөн цагаас нь эхлээд л миний хүү төрийн шагналтан болно гэж хэлдэг байсан нь ирээдүйн төрийн шагналтныг бүтээхэд тусалдаг. Чи бол азгүй, дандаа бүтэлгүйтдэг, чамд ер нь чадах юм байхгүй гэж байнга загнуулдаг байсан хүүхдийн ой тойнд “би ч бүтэлгүй амьтан дөө” гэсэн бодол хадгалаастай байдаг ба энэ бодол нь үргэлж түүний амьдралд бүтэлгүйтлийг дуудаж байдаг.
Иймээс өнөөдрөөс эхлээд эргэн тойронд байгаа хүмүүстээ, гэр бүлдээ, найз нөхөддөө, үр хүүхэддээ сэтгэлд нь шивээс мэт үлдэх муу итгэл үнэмшилийг бүү үлдээгээрэй. Үүний оронд өдөр бүр санагдаж, өөртөө итгэх итгэлийг нь улам бүр дэврээж, ирээдүйг нь сайхнаар зурах тэр л хүчирхэг үгсийг хэлж бай.
Миний хүү дэлхийг үзнэ, ерөнхийлөгч болно, төрийн шагнал авна, том дарга болно, НҮБд ажиллана гэх мэтээр өөр юугаар ч орлуулашгүй тэр хүчирхэг үгсийг хэлж, гайхалтай ирээдүйгээ бүтээхэд нь туслаарай.
Яг л таны хэлснээр байх болно гэдгийг бүү март.
Үүнтэй адил та ч гэсэн өөртөө “би хамгийн үзэсгэлэнтэй, хамгийн баян, хамгийн мундаг, хүссэн бүхэндээ хүрдэг, би аз жаргалтай” гэх мэтээр өөрийн тань ирээдүйг зурах тэр л үгсийг өөртөө байнга хэлж түүнийхээ араас яваарай.
Эцэст нь өөртөө байгаа бүхий л сөрөг итгэл үнэмшилүүдээ нээж олон, түүнийгээ эерэг үгсээр нь өөрчлөөрэй. Мөнгө олох хэцүү гэж боддог байсан бол мөнгө олох амархан, бүх эрэгтэйчүүд адилхан муу гэж боддог бол сайн эрчүүд ч зөндөө байгаа, би ерөөсөө турж чаддаггүй гэж боддог бол би дороо турчихдаг юм гэх мэтээр өөрийнхөө үнэн мэт итгэсэн тэр бүх сөрөг бодлуудаа эерэгээр өөрчилж эхлээрэй. Удалгүй та өөрчлөлтийг мэдрэх болно.
- Холбоотой бичлэг :
- http://www.mglclub.com/8008277/89e/trackback
XZVXZVXZVZ
ASFAFAF
SDFDSFSDFDSF
BNHKBHKK
B JHVGJJGF
DSGDSGDSGDSGDSG