Өнгөрсөн жилээс эхлэн Оросын зарим сайтуудаар “Монгол Улс 2014 онд ОХУ-д автономит улсын хувиар нэгдэнэ. 2012 онд хоёр улс визийн журмаа цуцлах шийдвэр гаргасныхаа дараа энэ талаар тохиролцсон байна. Гадаад харилцааны сайд Сергей Лавров дээрх шуугиант мэдэгдлийг хийлээ” гэсэн мэдээлэл гарч эхэлсэн билээ.

Тэгвэл 2014 он гарчихаад байгаа энэ үед нөгөө мэдээлэл чинь улам “точный” болчихсон Оросын сайтуудаар дахиад тэнүүчлээд эхэлсэн байх юм. Тухайлбал, http://maxpark.com/-д гарсан мэдээлэлд “2014 онд” гэж байсан нь “2014 оны тавдугаар сард” болсон төдийгүй, ард түмэнд анх зарлах өдрийг төрийн баяр ёслол болгон тэмдэглэж өнгөрүүлнэ, баяр явагдах 10 хүний багтаамжтай павильоныг бариад эхэлсэн” гэсэн дургүй хүрэм мэдээлэл нэмэгдчихсэн байх юм.

Худлаа гэж бодож байсан ч эвгүй юм аа. Оросын интернэт форумуудаар энэ мэдээллийн талаар хэлэлцүүлэг нэлээд өрнөсөн байх бөгөөд ихэнх нь “ташаа мэдээлэл, худал хуурмаг зүйл” гэсэнтэй санал нэгдсэн байсан нь харин аятайхан байсан шүү.