Японы мэргэжлийн сүмогийн гуравдугаар сарын тэмцээн буюу Хару башёгийн 15 дэх өдрийн барилдаан болж дууслаа.
Мэргэжлийн сүмогийн 69 дэх их аварга Хакүхо М.Даваажаргал 70 дахь их аварга Харумафүжи Д.Бямбадорж нар барилдлаа. Нийт 42 барилдаж байсан бөгөөд 26 нд Хакүхо М.Даваажаргал давж байжээ. Барилдаан эхлэхэд их аваргууд хоёул мавашини барьцнаас барьсан байсан бөгөөд Харумафүжиг түлхэж дайрахад Хакүхо тосгуулж хавирч зэрэг дэвжээнээс гарчээ. Дахин барилдаанд Харумафүжи хурдан босч сөхөж түрж дэвжээнээс гаргаснаар 12 дахь даваагаа давлаа. Харин Хакүхо М.Даваажаргал 12 даваа гурван унаатайгаар башёг өндөрлүүллээ.

Харин озеки Какарью М.Ананд өнөөдөр озеки Котошёгикүтэй барилдлаа. Тус хоёр бөх нийт 29 удаа барилдснаас 13-нд Какарью М.Ананд давж байжээ. Барилдаан эхлэхэд Котошёгикүгийн барьцыг өгөлгүй өөрөө сугадаж барьж дэвжээнээс гаргаснаар 14 давж 1 унаатайгаар Хару башёд түрүүллээ. Тэрбээр сүмогийн холбооны зүгээс тавьсан болзлыг биелүүллээ.

Макүүчи
Ёкозуна     Хакухо М.Даваажаргал 12-3
Ёкозуна     Харумафүжи Д.Бямбадорж 12-3
Озеки        Какарью Н.Ананд 14-1
М-1            Тамаваши Б.Мөнх-Оргил 5-10
М-8            Кёкүтэнко Цэвэгням 9-6
М-10          Терунофүжи Г.Ган-Эрдэнэ 8-7
М-14          Азумарью С.Тодбилэг 6-9
М-15          Таканова А.Баасандорж 10-5
М-16          Кагамео Б.Нанжид 5-10

Жүро
Ж-3    Tokitenku Хүчитбаатар 10-5
Ж-3    Asasekiryu Б.Дашням 7-8
Ж-8    Arawashi Э.Дөлгөөн 10-5
Ж-10    Seiro А.Өнөболд 6-9