Малайзын Куала Лумпураас Бээжинг чиглэн хөөрсөн “Boeing 777-200 ER” онгоц сураггүй болоод гурав хонож байна. Энэ хооронд Малайзын агаарын тээврийн компаниас сураггүй болсон “MH370” нислэгт зорчиж явсан хүмүүсийн мэдээллийг цуглуулан, нийтэд дэлгэж эхлээд байна.

Тэрээр уг нислэгт Монголыг зорьж явсан хоёр зорчигч байсан тухай өмнө нь мэдээлсэн. Малайзын “MH370” нислэгт  Энэтхэгийн Ченнай дахь Олон улсын загасны аж ахуйн эрхлэгчдийн хоршооны гүйцэтгэх нарийн бичгийн дарга Чандрика Шарма Улаанбаатар хотод өчигдөр буюу энэ сарын 10-нд эхэлсэн НҮБ-ын Хүнс, хөдөө аж ахуйн байгууллагын Ази, Номхон далайн бүсийн хуралдаанд оролцох ёстой байжээ.

Харин Шинэ Зеландын иргэн 38 настай Пол Уикс нь Монголын уул уурхайн компанид өндөр цалинтай ажлын санал хүлээн авсан учир Улаанбаатарыг зорьж явжээ.

Тэгвэл Пол Уикс өөрийнх нь зорчиж явсан  Малайзын агаарын тээврийн “Boeing 777-200 ER” онгоц сураггүй алга болохыг урьдаас мэдсэн мэт эхнэртээ захиас хэлж үлдээсэн байна. Пол Уиксийн эхнэр Даинкагийн “The Times” сонинд өгүүлснээр тэрээр “өөрт нь ямар нэгэн зүйл тохиолдвол хоёр хүүдээ өгөөрэй гээд бөгж, цагаа эхнэртээ захиж үлдээсэн гэнэ. Пол Уикс гурван настай том хүү Линкольнг хүнтэй гэрлэхээр нь өгөөрэй гээд хуримын бөгжөө, зүүж байсан цагаа  ой хүрч яваа бага хүү Жакт өгөөрэй хэмээн эхнэртээ үлдээгээд онгоцонд суусан.” хэмээн ярьсан байна.

Механикийн инженер мэргэжилтэй Пол Уикс өнгөрсөн 2011 онд амьдралаа шинээр эхлэхээр Австралийн Перт хотод гэр бүлийнхээ хамт нүүж ирсэн аж.

Одоогоор сураггүй болсон Малайзын агаарын тээврийн “Boeing 777-200 ER” онгоцыг далайд осолдсон байж магадгүй хэмээн 10 орны хамтарсан эрлийн баг далайд хайлт, самналт хийж байгаа билээ.                 Хоёр хүүгийн эцэг Шинэ Зеландын иргэн Пол Уикс   Энэтхэгийн Ченнай дахь Олон улсын загасны аж ахуйн эрхлэгчдийн хоршооны гүйцэтгэх нарийн бичгийн дарга Чандрика Шарма