“Хас Монгол” хөдөлгөөний тэргүүн Д.Дарханбаяр, “Цагаан хас” бүлгэмийн тэргүүн Ж.Эрдэнэзаяа нар гишүүдийн хамт өнөөдөр мэдээлэл хийлээ. Тэдэнд хандсан “саун ажиллуулах нэрээр охид, эмэгтэйчүүдийн биеийг нь үнэлүүлэх явдал газар авч байна. Үүнийг хянаж, шалгаж өгөөч” гэсэн гомдол, хүсэлт удаа дараа ирэх болжээ.
6
Үүний дагуу тэд энэ сарын дөрвөн буюу өнгөрсөн мягмар гарагт зарим саунд шалгалт хийсэн байна. Тодруулбал, Баянгол дүүргийн 17 дугаар хорооны нутаг дэвсгэр Модны хоёрт орших “АLE-HOUSE” зочид буудлын B1 давхарт байрладаг саунд шалгалт явуулжээ. Энэ үеэр тус саунд 10 гаруй эмэгтэй биеэ үнэлж байжээ. Тэд энэхүү асуудлыг харьяа дүүргийн Цагдаагийн газарт шилжүүлсэн байна. Тус сауныг Отгоо гэх эмэгтэй ажиллуулдаг ба өмнө нь гурван жилийн хорих ял аваад тэнсэн харгалзаж суллуулсан тухай “Хас Монгол” хөдөлгөөний тэргүүн Д.Дарханбаатар ярьж байсан.
6
Мөн тэрбээр “Эрүүгийн хуулийн 124 дүгээр зүйлд Биеэ үнэлэхэд бусдыг татан оролцуулах, биеэ үнэлэхийг зохион байгуулах тухай зааж өгсөн байдаг. 124 дүгээр зүйлийн хоёрдугаар хэсэгт Биеэ үнэлэх газар байгуулсан, санхүүжүүлсэн, түүнчлэн биеэ үнэлэхэд зуучилсан, биеэ үнэлэхийг байнга зохион байгуулсан, тээврийн хэрэгсэл, орон байр, бусад зүйлсээр үйлчилсэн бол хөдөлмөрийн хөлсний доод хэмжээг хоёр зуун нэгээс хоёр зуун тавь дахин нэмэгдүүлсэнтэй тэнцэх хэмжээний төгрөгөөр торгох, гурван зуугаас дөрвөн зуун цаг хүртэл хугацаагаар албадан ажил хийлгэх, эсхүл таван жил хүртэл хугацаагаар хорих ял шийтгэнэ” гэж заасан байдаг. Энэ хүмүүст Монгол улсын хууль үйлчлэхгүй байна. Монгол эмэгтэйчүүдийг биеийг нь үнэлүүлэх бусармаг үйл ажиллагаа явуулж байгаа энэ эмэгтэйд болон бусад саунд холбогдох хууль хяналтын байгууллагууд арга хэмжээ авахгүй байна вэ. Эдгээр замбараагүй байдлыг шалгах ёстой МХЕГ зэрэг байгууллага ажлаа хийхгүй байна” гэлээ.
6
“Цагаан хас” бүлгэмийн тэргүүн Ж.Эрдэнэзаяагийн хэлснээр “Онгон охидыг 1200-1500 доллар хүртэл мөнгөөр зарж байна” гэх мэт мэдээлэл ирсэн байна. Тэд энэ мэдээллийн дагуу болон саун гэх мэт охид бүсгүйчүүдийг ашиглан бусармаг аргаар мөнгө олж байгаа газрууд, гадаадад сурч, ажиллуулах зэргээр эмэгтэйчүүдийг хилийн дээс алхуулж байгаа ажлыг хянаж, шалган, судалгаа хийж байгаа аж.
Мөн урин дулааны цаг ирж байгаатай холбоотойгоор эхлэх уул уурхайн болон барилгын салбарт анхаарал хандуулж ажиллахаа мэдэгдсэн.
"ALE HOUSE" зочид буудлын подволийн сауныг ажиллуулдаг н.Отгоо эмэгтэйчүүдийн биеийг үнэлүүлдэг байжээ.
5
Б.Буд
