Бельгийн Антверп хотын тансаг зэрэглэлийн загвар зохион бүтээгч A.F.Vandevorst сэтэртэн Antwerp World Diamond Centre (AWDC), Фландерс загварын институт, Diarough/UNI-Design-тай хамтран дэлхийн хамгийн үнэтэй хос гутлыг бүтээсэн байна. 1550 каратын очир алмаазаар бүрж чимсэн европ хэмжээгээр 39 размерын энэхүү хос гутлыг бүрэхэд 39,083 ширхэг саарал, ягаан, оргилуун дарсны өнгөт байгалийн очир алмаазыг ашиглажээ. Гутлыг хийх, очир алмаазнуудыг шилж сонгох, шигтгэн суулгах зэрэгт нийтдээ 30,000 орчим цагийн хөдөлмөр зарцуулсан ба A.F. Vandevors-ын хэрээс хэлбэрийн логог маш ховор төрлийн улаавтар ягаан өнгийн очир алмаазаар хийсэн байна. Гонконгд болсон загварын долоо хоногийн бизнесийн үеэр Хятадын уран бүтээлч Yi Zhou-гийн өмсөж толилуулсан энэхүү гутал 3,1 сая доллараар үнэлэгдэж байгаа аж.