73.jpg


Яс сийрэгжилт

Нас ахихад ясны талаас гардаг нэг гол өөрчлөлт нь яс сийрэгжих явц юм. Яс сийрэгжилт нь ясны бодис хомсдож түүний жин багасах гол эмгэг жамаар нөхцөлдөнө. Ясны сийрэгжилт нь нурууны яс, дунд чөмөг, хөлийн тавганд илүүтэй илрэх ба цаашид сийрэгжилт улам олон ясыг хамардаг.

 

Хэн өвчлөх боломжтой вэ?

1.     Нас: Нас ахих тусам яс элэгдэн, эрдэслэг чанар нь алдагдах тул өвчлөх боломж нэмэгддэг.

2.     Хүйс: Эмэгтэйчүүдэд өвчлөлийн тохиолдол маш өндөр буюу эрэгтэйчүүдээс 4 дахин их байдаг. Учир нь эмэгтэйчүүд эрчүүдээс бага хэмжээний ясны эдийг агуулах ба цэвэршилтийн үед бодисын солилцооны өөрчлөлтөөс болж ясны бөх бат чанар мууддаг.

3.     Арьсны өнгө: Цагаан арьстан ба Азийн эмэгтэйчүүд илүү өртөмтгий байдаг.

4.     Биеийн жин ба ясны хэмжээ: Яс жижигтэй, туранхай эмэгтэйчүүдэд элбэг тохиолдоно.

5.     Цэвэршилт: Цэвэршилт нь ясны сийрэгжилтэнд нөлөөлөх хамгийн гол хүчин зүйл юм.

6.     Хорт зуршил: Архи, тамхи болон кальциар дутмаг хоол хүнс хэрэглэх нь өвчлөлийг нэмэгдүүлнэ.

 

Яс сийрэгжилттэй болох эрсдэлт хүчин зүйлс:

-         Дааврын ямар нэгэн өвчин эмгэгтэй, чихрийн шижин, бамбайн өвчин гэх мэт

-         Биеийн өндөрт харьцуулахад бага жинтэй байх

-         Эрт цэвэрших

-         Тамхи татах

-         Хөдөлгөөн бага амьдралын хэв маяг

-         Кортикостеройд эмийн зүйл хэрэглэх

-         Кофе, спитрийн ундаа хэтрүүлэн хэрэглэх

 

Шинж тэмдэг

-         Бие ерөнхийдөө сулрах

-         Ядрах

-         Нуруу ууц өвдөх

-         Хөл гарын үеэр өвдөх гэх мэт шинж тэмдгүүд танд илэрдэг бол  шинжилгээ хийлгүүлээд үзэхэд илүүдэхгүй шүү.

 

Эмчилгээнд

-         Хүчтэй өвдөлтийн үед өвчтөнг хэвтрийн байдалд байлгаж хөнгөн дасгал хийлгэнэ. Нуруугаар байнга өвдөх үед нурууны ачааллыг багасгаж юм өргөх, удаан явах, удаах зогсохыг хориглоно.

-         Нуруунд иллэг хийх

-         Бүлээн жин тавих

-         Уураг эрдэс, Е, С, Д амин дэмээр баялаг чанартай хоол идэх

-         Кальцын бэлдмэл хэрэглэх

 

“Ёнсей Эс” эмнэлэг

Хаяг: Метроны 7-р шугам Нунхёнь ёог /732/, 2-р гарц

E-mail: sky@ysskh.com

Facebook хаяг: www.facebook.com/ysskh

Утас: +82-2-2156-7168  /  +82-10-7677-5919

I want to