Сүүлийн үед хүмүүсийн амьжиргааны төвшин дээшилж төрөл бүрийн авто машин бидний амьдралд олширч, тээврийн аюулгүйн байдал нь том асуудлуудын нэг болсон билээ.

Үүний үүднээс манай хууль зүйн товчоонд авто аваарын талаарх лавлагаа ч ихсэн ирж байна.

Авто осол тохиолдсон үед ихэнх хүмүүс айж сандран, юуг хаанаас эхэлж хийхээ мэдэхгүй эсрэг талын жолоочтой хэрүүл маргаан хийж, харилцан буруутган асуудлыг тэр бүрчлэн шийдвэрлэж чаддаггүй. Энэ нь асуудлыг шийдвэрлэх сайн арга хэмжээ биш гэдгийг ойлгох хэрэгтэй юм.

Авто осол гарсан үед өөрийнхөө эрх ашгийг хамгаалж дараах зүйлүүдийн мэдүүштэй.

Нэгдүгээрт. Осол гарсны дараах техникийн хэрэгслийн байрлалыг өөрчлөхгүй байх.

Жирийн үед асуудлыг тайван сайн шийдвэрлэдэг хүн осол аваарын үед балмагдан сандрах нь элбэг. Авто ослын үед таны хамгийн түрүүнд авах арга хэмжээний нэг нь ослын дараа техникийн хэрэгслийн байрлалыг тэр хэвээр нь байлгах ба техникийн хэрэгслийг тухайн байрлалаас хөдөлгөн ямар нэгэн өөрчлөлт хийхгүй байх нь чухал юм. Хэрэв эсрэг талын жолоочийн буруутай тохиолдолд тухайн ослын байрлалыг өөрчилбөл бурууг хүлээн зөвшөөрөхгүй, таны буруугаас болж осол гарсан болж болох юм. Тиймээс юуны түрүүнд аваар ослын үед ямарваа нэгэн өөр үйлдэл хийлгүй холбогдох байгууллагуудад мэдэгдэх нь чухал.

Хоёрдугаарт. Ослын талаар үнэн зөвөөр нь холбогдох байгууллагуудад мэдээлэх.

 Мансууруулах төрлийн ундаа хэрэглэсэн эсэх, осол гарсан цаг, ослын явц, гэрч байгаа эсэх мөн тухайн хэргийг хариуцсан мэргэжилтний овог нэрийг нь зайлшгүй мэдэх шаардлагатай. Энэ нь асуудал шийдэгдэхгүй дараагийн шатанд шилжсэн тохиолдолд баримт болно.

Гуравдугаарт. Авто ослын хариуцлагын тодорхойлолт авах.

Өөрөө болон таны эд хөрөнгө хөнгөн гэмтэл тохиолдсон мөн хоорондоо харилцан тохиролцож болох үед авто ослын хариуцлагын тодорхойлолт гаргуулан авах. Энэ нь дараа нь ямар нэгэн байдлаар хохирлыг барагдуулахгүй үед баримт болно. Харин хүнд гэмтэл авсан тохиолдолд энэхүү тодорхойлолтыг үйлдүүлэн авах шаардлагагүй бөгөөд энэ нь шүүх хурлын үед буруутай этгээдэд оногдох хариуцлагыг хөнгөвчлөх магадлалтай. Хүнд осол аваар гарсан үед иргэний болон эрүүгийн мөн даатгал зэрэг олон зүйл хамаарагддаг тул мэргэжлийн байгууллагад хандан өөрийн эрх ашгийг хууль ёсоор хамгаалуулна уу.

 КТЛ хууль зүйн товчоо 02 3478 8500 монгол хүнтэй ярих Ktl_law@yahoo.com

Манайх дээд шүүхийн хажууд байрлалтай албан ёсны өмгөөлөгчийн газар юм.