70
гаруй сая жилийн настай Тарбозавр батаар үлэг гүрвэлийн олдворыг
тавдугаар сарын 17-ны шөнө “Кореан эйр”-ийн онгоцоор эх нутагт нь
эргүүлэн авчирлаа. Тавдугаар сарын 6-нд АНУ-ын Нью-Йорк хотнoo энэхүү
олдворыг Монголын тал хүлээн авснаас хойш 11 хоногийн дараа Улаанбаатарт
авчирч байгаа нь энэ юм.
Монгол Улсын Ерөнхийлөгчийн Тамгын газрын дарга П.Цагаан, Засгийн газрын Хэрэг эрхлэх газрын дарга Ч.Сайханбилэг, Соёл, спорт, аялал жуулчлалын сайд Ц.Оюунгэрэл болон цагдаа, гааль, даатгалын ажилтнууд олдворыг “Чингис хаан” олон улсын нисэх онгоцны буудалд хүлээж авлаа. Засгийн газрын Хэрэг эрхлэх газрын дарга Ч.Сайханбилэг энэ үеэр “Түүх соёлын үнэт өв болсон, олон сая жилийн түүхтэй олдвор эх орондоо ирсэнд баяртай байна. Энэ ажлыг зохин байгуулсан, оролцсон бүх хүмүүст баяр хүргэе” гээд дахин 20 гаруй динозаврын олдвор Монголд ирнэ гэж хэллээ. Тарбозавр батаарыг долоон хайрцагт агуулан авчирчээ.
Эдгээрийг нийслэлийн гаалийн баталгаат агуулахад түр хадгалах бөгөөд ирэх зургадугаар сарын 1-нд Хүүхдийн баяраар Сүхбаатарын талбай дахь түр музейд байршуулан олон нийтэд үзүүлэх юм байна
