Төрийн шагналт, дуучин Д.Болд өөрийн албан ёсны фэйсбүүк, твиттер хуудсаараа дамжуулан төгөлдөр хуур, гитар тоглодог, хоолой салгаж дуулдаг хоёр охиныг шалгаруулж, “В” продакшндаа гэрээгээр ажиллуулна хэмээн зарласан. Энэ зарын дагуу арав орчим бичлэг ирсний эхнээс нь тэрбээр фэйсбүүк хуудсандаа байршуулж эхэлсэн байна.

Дуу хөгжимд дуртай охид Маралжингоо, Эгшиглэн, Агиймаа нарын чадварлаг дуучдыг төрүүлсэн “В” продакшнтай хамтран ажиллах ховорхон боломжийг алдахыг хүсэхгүй байгаа бололтой. Тиймээс төгөлдөр хуур, гитартай, хоолой салган дуулсан дуугаа илгээсээр байгаа аж.