Оюутны
Универсиад III их наадмын боксын тэмцээн энэ сарын 10-14-нд Спортын төв
ордны “А” зааланд болж, 30 их, дээд сургуулийн 121 тамирчин хүч үзлээ.
Тэмцээний нээлтэд Зохион байгуулах хорооны дэд дарга, МОСХ-ны ерөнхий
нарийн бичгийн дарга Д.Жаргалсайхан, ССАЖЯны БТСБХЗГ-ын даргын үүрэг
гүйцэтгэгч Д.Сүрэнхорлоо, ЗБХ-ны нарийн бичгийн дарга, ССАЖЯ-ны
БТСБЗХГ-ын мэргэжилтэн Д.Эрдэнсүрэн, Монголын олимпийн боксын холбооны
ерөнхий нарийн бичгийн дарга П.Сэрдамба нар байлцлаа.
Тэмцээнд олон улсад эх орноо сурталчилсан олимп, дэлхийн мөнгөн медальт Н.Төгсцогт, Азийн залуучуудын хүрэл медальт О.Норовбал болон бусад өсөх ирээдүйтэй залуус оролцов. Шалгарсан тамирчид ирэх долдугаар сарын 6-17-нд ОХУ-ын Казань хотод болох Дэлхийн оюутны Универсиад их наадамд улсаа төлөөлөн оролцох эрхийг авлаа. Дашрамд дурдахад алт 600.000, мөнгө 400.000 хүрэл медалийн эзэд 200.000 төгрөгийн шагнал гардан авчээ.
ТЭМЦЭЭНИЙ ДҮН
49 кг: 1.Г.Ган-Эрдэнэ (Зохиомж ДС) 2.М.Гандулам (ТЗДС) 3.Э.Содбилэг (ҮБТДС), Б.Жанцанпэрэнлэй (Газарчин ДС)
52 кг: 1.Х.Энхдэлгэр (БХИС) 2.Д.Төгөлдөр (ХААИС) 3.О.Лхагвасүрэн (МУИС), Ц.Пүрэвсүрэн (ШУТИС)
56 кг: 1.Н.Төгсцогт (ХСИС) 2.Б.Билгүүн (ОУЭЗБДС) 3.О.Мишээл (Мон-Алтиус), А.Даваадалай (Зохиомж ДС)
60 кг: 1.О.Норовбал (Зохиомж ДС) 2.О.Баярхүү (ХААИС) 3.А.Анхбаяр (ҮБТДС), П.Сүхмягмар (МУИС)
64 кг: 1.Б.Чинзориг (МУИС) 2.Б.Батзориг (ҮБТДС) 3.Б.Энхмандуул (ШУТИС), Д.Бариахаан (МУБИС)
69 кг: 1.Х.Ерган (ШУТИС) 2.Д.Давааням (Мон-Алтиус) 3.Х.Отгонжаргал (БХИС), С.Хабил (ҮБТДС)
75 кг: 1.Б.Эрхэмбаяр (ИЗИС) 2.Т.Уламбаяр (БХИС) 3.Ч.Дамчаасүрэн (Аварга ДС), Б.Агарзандан (ШУТИС)
81 кг: 1.Н.Шинэбаяр (ХСИС) 2.Х.Баярмөнх (Мон-Алтиус) 3.Х.Бекнур (ҮБТДС), Б.Содгэрэл (ОТИС)
-91 кг: 1.Т.Ерболат (БХИС) 2.Б.Ганбаяр (Зохиомж ДС) 3.Ж.Батсүх (Их Монгол ДС), Г.Болдхуяг (ХСИС)
+91 кг: 1.Д.Идэрбат (ҮБТДС) 2.Б.Өнөржаргал (МУБИС) 3.Х.Балжинням (Их Монгол ДС), Б.Ганбаатар (ХСИС)
Багийн дүнгээр Үндэсний биеийн тамирын дээд сургууль 37 оноогоор тэргүүлж, 29.5 оноогоор Батлан хамгаалах их сургууль, 27.5 оноогоор Зохиомж дээд сургууль удаалсан байна.
