Францын утга зохиолын “Paris Review” сэтгүүл орон орны зохиолчдоос оршин амьдардаг өрөөнийх нь цонхоор юу харагддаг тухай асууж, сэтгэлийн ертөнцийг нь нээдэг сонирхолтой булан хөтөлдөг юм байна. “Ертөнцийн цонх” хэмээх энэ буланд Монголоос соёлын гавьяат зүтгэлтэн, Монголын соёл, яруу найргийн академийн ерөнхийлөгч, яруу найрагч Г.МэндОо ёо уригджээ. Тэрбээр:

-Багадаа үүр цайтал адуугаа манадагсан. Аав маань “Морь мэт орой унтаж, шувуу шиг эрт сэрж бай” гэж захидаг байлаа. Үүр цайх үед адууныхаа дэргэд, шувууд шулганалдан жиргэхийг сонсож суухдаа хэмжээлшгүй баярт автана. Өглөө бүрийг ийм хэмнэлээр үдсээр хүүхэд нас маань өнгөрсөн.

Одоо бол Улаанбаатар хотын төв дэх сууцныхаа цонхоор өглөөний нарыг хардаг. Тэр зуураа хөдөө, малын бэлчээрт өнгөрүүлсэн хүүхэд насныхаа дурсамжийг сөхөн санаж, нисэж буй мэт л хөөрөн баярлана. Цонхны цаанаас амьдралын дүр зураг өнгө будагтайгаа сэтгэл зүрхэнд сүлэлдэн буудаг.

Монгол Улсын Их Сургууль хэмээх эрдмийн сайхан өргөө манай цонхны яг харалдаа зураг хөрөг шиг туяаран байдаг. Цонхны хажууханд бичгийн нарсан ширээ минь бий. Заримдаа ширээндээ суугаад огт өөр ертөнцийн тухай эргэцүүлэн бодож, орон зайн хязгааргүйд уусах сайхан. Түүхийн номууд улам л зузаан болсоор. Тиймээс цонхны цаана чухам юу болж байгааг үзэж, мэдрэх цаг хугацаа хомсодсоор байна хэмээн өгүүлжээ.