Папилломатоз
Папилломатоз буюу ур нь хүний папиллом вирусээр
үүсгэгддэг өвчин юм. Арьс салст бүрхэвчийг гэмтээн эдийн ургацаг үүсгэдгээрээ
өөр хоорондоо төстэй 70гаруй вирус папилломавирусын бүлэгт багтдаг. Эдгээр
вирус арьсыг гэмтээсэн бол үү үүсгэнэ. Харин бэлэг эрхтний салст бүрхүүлийг
гэмтээвэл /эр бэлэг эрхтэн, үтрээ, умайн хүзүү/ кондилома буюу хурц үзүүрт
ургацаг үүсгэдэг.
Явц:
Хурц үзүүрт ургацгууд том хэмжээтэй байх нь цөөн болохоор
ургацагийн эмгэг нь шинж тэмдэг илрэлгүй явагддаг. Хурц үзүүрт ургацаг нь
бэлгийн хэвийн амьдралд саад болохгүй.
Гэхдээ хурц үзүүрт ургацагуудыг огт хоргүй гэж ойлгож
болохгүй. Хурц үзүүрт ургацаг үүсэх процесс нь хавдар үүсэх үед явагддаг
процесстэй адил учир удаан үргэлжилсэн ургацагт эмгэг нь хавдрын өмнөх байдалд
хамаардаг. Жишээлэхэд, умайн хүзүүний хурц үзүүрт ургацаг нь умайн хүзүүний
өмөн үүсэх магадлалыг 50-60 дахин ихэсгэдэг. Хүний папиллом вирус умайн
хүзүүний гаж өсөлтийг үүсгэн төрөх үед хүүхдэд халдварладаг.
Өвчин үүсэх шалтгаан:
Хамгийн гол шалтгаан нь бэлгийн харилцаанаас үүдэлтэй.
-
Бэлгийн харилцаанд
хэт эрт орох
-
Замбараагүй бэлгийн
харилцаа
-
Олон харилцагчтай
эрчүүдийн эхнэр нь халдвар авах эрсдэлтэй
-
Хүх папиллом
вирусийн халдварлагдах
-
ХДХВ-ийн халдвар
авах
Оношлогоо:
Ургацагтах эмгэгийн оношлогоо нь ямар нэг хүндрэл
үүсгэдэггүй. Ердийн үзлэгийн үед арьс өнгөний эмч ургацгуудыг оношлоно. Вирусын
гаралтайг нь итгүүлж батлахыг тулд ПЦР -үтрээ ба умайн хүзүү -ний салстаас
наалдац авч вирус байгаа эсэхийг шинжилдэг тусгай шинжилгээ хийнэ.
Тодорхой оншлуулахын тулд анхаарах зүйл:
-
Багаар бодоход
24цагийн өмнөөс бэлгийн харилцаанд орохгүй байх
-
Сарын тэмдэгийн үед
шинжилгээг хийхгүй
-
Үтрээний ариутгагч
бодис хэрэглэж буй үед 7хонгийн өмнөөс зогсоох
Эмчилгээ
Ургацагтах аяндаа хэзээ ч эдгэрдэггүй, өвөрмөц эмчилгээ
шаарддаг эмгэг юм. Ургацгыг шингэн азот (хөлдөөж бүтцийг нь алдагдуулах), лазер
эмчилгээ ба цахилгаанаар түлж устгасны дараа вирусын эсрэг бэлдмэл буюу интерфероныг
хэрэглэнэ. Мөн түүнчлэн химийн цочроогч (ургацгыг хүчилээр “түлэх”) зэрэг
эмчилгээг хийдэг. Энэ үед бэлгийн бүх харилцагчдыг нь нэгэн зэрэг эмчлэх
хэрэгтэй. Жирэмсэн үед харагдах ургацгууд хурцдан, эс нь төлжих хандлагатай
болж хөвсгөр болдог. Эмчилгээг жирэмсний эрт үед хийх нь амжилттай болдог ба
онцгой болгоомжлох хэрэгтэй. Иймд зөвхөн физикийн эмчилгээ (хөлдөөх эмчилгээ ба
СО2-лазер) хийнэ. Эсийг хордуулах бэлдмэлүүд – Подофиллин, Подофиллотоксин ба 5
Фтор-Урацил зэргийг жирэмсний үед хэрэглэх хориотой. Тухайн хүнд ямар эмчилгээ хийвэл зохилтойг зөвхөн
мэргэжлийн эмч л зааж чадна гэдгийг анхаараарай. Дур мэдэн өөртөө
эмчилгээ хийх нь эрүүл мэнд, амь насанд хор хүргэнэ үү гэхээс тус болохгүй.
