書き込み数 3,329
Монгол
Улсын Ерөнхийлөгч, Зэвсэгт хүчний Ерөнхий командлагч Ц.Элбэгдоржийн
Бүгд найрамдах Өмнөд Судан улсад хийсэн айлчлалын үеэр Румбек мужийн
нэгэн дунд сургуулийг Монгол Улсын төрийн тэргүүний нэрэмжит болгосныг
зарлажээ.
Тус мужийн амбан захирагчийн албан ёсны мэдэгдэлд “Монгол Улс бол ардчилсан хувьсгалыг тайван замаар хийж чадсан цөөхөн орны нэг бөгөөд Ерөнхийлөгч Ц.Элбэгдорж нь энэхүү хувьсгалын гарамгай удирдагчдын нэг” хэмээн онцлоод Өмнөд Суданд энхийг сахиулах ажилагаанд цэргээ илгээсэн улсаас анх удаа тус улсад айлчилсан гадаад орны Төрийн тэргүүний хувьд хоёр улсын найрамдалт харилцааны бэлгэдлийг бодож ийнхүү зарлажээ.
Түүнчлэн нэрэмжит сургуульдаа монгол цэргүүдээр спорт, тактикийн болон Монголын түүх, соёлын хичээл заалгах хүсэлтэй байгаагаа илэрхийлсэн байна. Монгол Улсын Ерөнхийлөгч Ц.Элбэгдорж шинэхэн тусгаар улсын хүүхэд багачуудын сурч боловсрох сургууль өөрийнх нь нэрэмжит болсонд талархаж байгаагаа илэрхийлээд “Энэ бол Монгол Улсын энхийг сахиулагчдын үйл ажиллагаанд орон нутгийн иргэдийн тавьж байгаа эерэг дүнгийн нэгэн илрэл, хоёр орны хамтын ажиллагаа, найрамдлын их өөдрөг эхлэл” гэжээ.
