Мэргэжлийн сүмогийн Нэгдүгээр сарын тэмцээн Токио хотноо үргэлжилж байна. Эхний дөрвөн өдрийн дараа аварга арслангууд дунд ёкозүна Харүмафүжи ганцаараа унаагүй байна. Их аварга Хакүхо гурав дахь өдөр Миёогирюүд унасан бол Какүрюү, Кисэносато, Котоошюү нар хоёр, Котошёогикү нэг унажээ. Макүүчи зиндааг дөрвөн ялалттай Харүмафүжи, маэгашира Точиношин, Китатайки, Точиновака нар тэргүүлж байна.

Гэмтэлтэй байгаа манай Асасэкирюү маргаашнаас барилдахаар боллоо. Түүний хувьд энэ тэмцээнийг өнжвөл макүшитад унах аюул нүүрлээд байгаа. Дөрөв ялж байж, жюүрёод үлдэнэ гэж мэргэжилтнүүд үзэж байна. Мөн хэрэв Асасэкирюү макүшитад унавал Такасаго дэвжээ цолтой бөхгүй болох юм. Тус дэвжээ 1878 оноос хойш 135 жил цолтой бөхтэй байсан уламжлал нь тасрах гэж байгаа тул Асасэкирюү гэмтэлтэй ч барилдахаас өөр аргагүй болжээ. Такасаго ояката “Энэ уламжлалыг Асасэкирюү сайн ойлгож байгаа” гэж ярьсан байна.

Монгол бөхчүүд

Макүүчи

Ё Хакүхо М.Даваажаргал 3-1

Ё Харүмафүжи Д.Бямбадорж 4-0

О Какүрюү М.Ананд 2-2

M2 Кёкүтэнхо Н.Цэвэгням 1-3

М9 Токитэнкү А.Хүчитбаатар 1-3

M12 Тамаваши Б.Мөнх-Оргил 2-2

М14 Шёотэнро Д.Нямсүрэн 3-1

Жюүрёо

Б-6 Асасэкирюү Б.Дашням гэмтэл

З-9 Кёкүшюүхо Т.Эрдэнэбаатар 2-2

З-10 Азүмарюү С.Тодбилэг 2-2

З-13 Таканоива А.Баасандорж 3-1

Б-13 Широнорюү Э.Одгэрэл 1-3

З-14 Кагамио Б.Нанжид 2-2

Макүшита

З-1 Ониараши Ө.Өлзийжаргал 2-0

З-2 Сэншёо Э.Баярбат 1-1

Б-5 Араваши Э.Дөлгөөн 2-0

Б-6 Сэйро А.Өнөболд 2-0

З-28 Рюүо Э.Санчирболд 2-0

З-31 Вакамишёо Г.Ган-Эрдэнэ 1-1

З-32 Сакигакэ Я.Баттүшиг 2-0

Б-34 Чиёшёома Г.Мөнхсайхан 2-0

З-45 Тайга С.Шаравнямбуу 1-1

Б-50 Рюүонами Б.Буянжаргал 1-1

Санданмэ

З-12 Аратоши В.Цэрэндорж 1-1

Б-21 Тоорүгава Д.Ууганбаатар 2-0

З-45 Такакасүга Э.Энхманлай 2-0