Бичлэгийн тоо 3,329
Лондоны
олимпийн эмэгтэйчүүдийн чөлөөт бөхийн 55 кг-ын жингийн аварга, Японы
бөх Ёшида Саоригийн “Ардын гавьяат” цолны найр Токио хотноо болж, 68
дахь ёкозүна Асашёорюү, мэргэжлийн бөхийн Антонио Иноки тэргүүтэй 300
зочин оролцлоо.
Ёшида Саори олимп, дэлхийн аваргад дараалан 13 түрүүлээд байгаа бөгөөд “Миний амьдралын хамгийн сайхан мөч бол энэ шагналыг авсан явдал. 2016 оны Рио-де-Жанейрогийн олимпод оролцож, 14 дэх түрүүгээ авах болно” гэж мэдэгдсэн. “Ардын гавьяат” цол нь 1977 оноос эхлэн олгогдож эхлэн, одоогийн байдлаар 19 хүн, нэг баг шагнагдаад байна.
Энэхүү шагналаар спортын ертөнцөөс их аварга Чиёонофүжи, дэлхийн аварга эмэгтэйчүүдийн хөлбөмбөгийн шигшээ баг, бейсболч Оо Садахарү, Сачио Кинүгаса, жүдогийн Ясүхиро Ямашита, марафонч Наоко Такахаши нар хүртжээ.
Дайюүбү Ундрах эвийн гэрээ байгуулав
Жюүрёо зиндаанд барилдаж байсан монгол бөх Дайюүбү хэмээх Д.Ундрах Шибатаяма оякататай шүүхээр заргалдаж байгаа билээ. 2010 онд зодог тайлсан Дайюүбү оякатагаа хүчээр зодог тайлуулсан хэмээн зарга үүсгэн, ояката болон Сүмогийн холбооноос 70 сая иен нэхэмжилж байгаа юм. Шүүх хурал энэ сарын 21-нд болж, хоёр тал эвлэрлийн гэрээ байгуулжээ. Дайюүбүгийн өмгөөлөгч “Гэрээ ёсоор хэдэн иений төлбөр авсан талаар мэдээлэх боломжгүй” гэж сэтгүүлчдэд ярьсан байна. Энэ сарын 25-нд мөн найрааны хэргээр холбооноос хөөгдсөн Өвөр Монголын бөх Соококүрай Сүмогийн холбоотой эвийн гэрээ байгуулах гэнэ.
