Антарктидын Амундсен-Скоттод байрлалтай газарз үйн тэг цэг дээр Монголоос анх удаа ШУТИС-ийн профессор Л.Дүгэржав хөл тавьж, Төрийн далбаагаа мандуулахаар боллоо. Экваторын бүслүүрээр дэлхийг тойроход 42 мянган км зам туулах бол манай гаригийн ёроол гэж болох өмнөд туйлын энэхүү цэгийг хэдхэн секундын дотор тойроход л дэлхийг бүтэн тойрно гэсэн үг юм. Тэрбээр дөрвөн жилийн өмнө Амундсен-Скотт дахь АНУ-ын шинжлэх ухааны судалгааны баазад ажиллах хүсэлтээ тавьсан агаад тус баазад цэвдгийн өөрчл өлтийн талаар хоёр сарын хугацаанд судалгаа хийх ажээ. Өргөрөг, уртрагийн огтлолцол цэг дээр очих эл үйл явдлаар дэлхийд Монгол Улсаа сурталчлахын сацуу Антарктидын гэрээнд нэгдэн орох, өөрийн улсын судалгааны баазыг өмнөд туйлд байгуулах зэрэг олон улсын томоохон хамтын ажиллагааны эхлэл тавигдаж байгаагаар онцлогтой. “Энэхүү цэг нь соронзон орны сарнилтай учир 30 минут байх боломжтой. Ирэх оны нэгд үгээр сарын 5-нд Ерөнхийлөгч, Ерөнхий сайд нартай холбогдож, судалгааныхаа ажил болон тэг цэг дээр очсон талаараа мэдээлнэ” хэмээн Л.Дүгэржав хэлэв. Уг тив нь хүн төрөлхтний ирээдүйн үүц учраас олон улсын эрдэмтдийн судалгаа шинжилгээний ажил жил ирэх тусам эрчимжиж байна. Одоогоор 48 улс Антарктидын гэрээний гишүүн болсон юм. 1959 онд байгуулсан эл гэрээ өмнөд туйлыг энхтайвны зорилгоор ашиглах, цэрэггүй, цөмийн зэвсэг, техникээс ангид бүс болохыг тогтоож өгсөн олон улсын анхны баримт бичиг юм. Манай улс 1972 оноос тус тивд судалгаа хийж эхэлсэн бөгөөд 2013 онд Антарктидын олон улсын гэрээнд нэгдэн орох боломж бүрджээ.