Японы
Осака хотын Байгалийн түүхийн музейд энэ сарын 23-наас 2013 оны
зургадугаар сарын 2 хүртэл “Монгол динозавр” үзэсгэлэн олны хүртээл
болно. Үзэсгэлэнг Монгол, Япон улс дипломат харилцаа тогтоосны 40 жил,
хоёр улсын эрдэмтэд үлэг гүрвэлийн хамтарсан судалгаа эхэлсний 20 жилийн
ойд зориулан Монголын Шинжлэх ухааны академи, Осака хотын Байгалийн
түүхийн музей хамтран зохион байгуулж байгаа юм.
Дэлхийд
цөөхөн байдаг үлэг гүрвэлийн ясны өлгий нутаг Монголын говь цөлөөс
Монгол Японы эрдэмтэд олсон тринозавр Tyrannosaurus, Tarbosaurus-ын
зулзаганы яс тавигджээ. Үзэсгэлэнд нийт 230 үзмэр байгаагийн тал хувь нь
Японд анх удаа тавигдаж байгаа юм. Мөн үзэгчдэд хоёр улсын эрдэмтэд
хэрхэн малтлага, хайгуул хийж байгааг харуулсан баримтат киног
сонирхуулж байна.
