Бичлэгийн тоо 3,329
“Өргөн
хэрэглээний импортын бараа, бүтээгдэхүүний өртгийг бууруулах” дэд
хөтөлбөрийг хэрэгжүүлэхээр Зам, тээврийн сайд А.Гансүх, Монголбанкны
ерөнхийлөгч Н.Золжаргал нар харилцан ойлголцлын санамж бичиг үзэглэсэн.
Уг хөтөлбөрийг хэрэгжүүлэх ажлын хүрээнд УБТЗ-ын даргын үүрэг гүйцэтгэгч
Г.Сэрээнэндорж уржигдар Замын-Үүд-Улаанбаатарын чиглэлд хоногт ачааны
хоёр галт тэрэг аялуулах А-201 тоот тушаал гаргажээ.
Ингэснээр уржигдраас эхлэн өдөр бүрийн 09.00, 19.00 цагт Замын-Үүдээс Улаанбаатар руу ачааны хурдан галт тэрэг тогтмол явуулж эхэлсэн байна. Тээвэрлэлтийг хурдасгаснаар өргөн хэрэглээний бараа бүтээгдэхүүнийг түргэн шуурхай тээвэрлэж хэрэглэгчдэд хүргэх, барилгын салбарын үнийн өсөлтийн гол хүчин зүйл болох материалын хомсдол үүсгэлгүй тогтмол хангах гээд олон талын ач холбогдолтой аж.
Энэхүү ажлыг хийхэд төмөр замын ажилтнууд болоод иргэдийн зүгээс зохион байгуулалтын нэлээд асуудал тавигдаж байгаа ч эдгээрийг бүрэн шийдвэрлэх боломжтой гэнэ.
