Số bài viết: 3,329
Английн
орчуулагч, монгол судлаач Саймон Вэкхам Смит АНУ-ын Баруун Вашингтоны
их сургуульд Монголын уран зохиолын сэдвээр доктор (Ph.D) цол
хамгаалжээ. Тэрбээр Монголын эртний болон орчин үеийн уран зохиолын
хөгжлийг өргөн цар хүрээтэй судалжээ. Саймон Вэкхам Смит Г.Мэнд-Ооёогийн
“АлтанОвоо” хэмээх хүүрнэл-яруу найргийн бүтээлээр төлөөлүүлэн
нүүдэлчдийн амьдрал дахь утга уянга, оюун санааны ертөнц болон хүн
байгалийн дотоод харилцаа холбооны асуудлыг судалгааны зохиолдоо
хөнджээ.
Монгол нүүдэлчдийн нийгэм болон соёлыг өргөн хүрээтэй харж, уран зохиолын орон зай, ялангуяа яруу найраг дахь үзэл санаа зэргийг тод таниулах нь түүний зорилго байсан аж. Тэрбээр Г.Мэнд-Ооёогийн “Алтан-Овоо” бүтээлийг 2007 онд орчуулж хэвлүүлсэн бөгөөд таван жилийн дараа энэ бүтээлээрээ докторын зэрэг хамгаалсан байна.
Саймон Вэкхам Смит сүүлийн 10 орчим жил Монголын уран зохиолын орчуулга болон судалгаагаар дагнан ажиллахын зэрэгцээ Америк, Канад зэрэг улсын их, дээд сургуулиудад лекц уншиж Монголын уран зохиол, соёлыг дэлхийд таниулж буй авьяаслаг орчуулагч, судлаач юм. Тэрбээр саяхны нэгэн ярилцлагадаа “Монголын соёлыг тээж яваа гол зүйл бол яруу найраг” хэмээн онцолсон байв.
mmmmmmmmm