Номоо солилцох, сэтгэл доторхоо уудална гэдэг уран бүтээлийн хувьд ч, хүний хувьд ч бие биенээ таних боломж. Ардын уран зохиолч Ш.Сүрэнжав гуай Монгол, Хятадын зохиолчдын форум, Хятадын уран зохиолын дээж номыг бэлэглэх ёслолын үеэр ийнхүү ярьсан.

Өчигдөр болсон уг арга хэмжээг Монголын зохиолчдын эвлэл, Үндэсний номын сан, ӨМӨЗО-ы Засгийн газрын Хэвлэл мэдээллийн албанаас хамтран зохион байгуулсан юм. МЗЭ-ийн удирдах зөвлөлийн гишүүд, манай нэр хүндтэй уран бүтээлчид, залуу зохиолчдын төлөөлөл, Өвөрмон голд төдийгүй Хятадад алдартай Артай тэргүүтэй зохиолч, яруу найрагчид оролцов.

Монголд зочилж буй зохиолч, яруу найрагчид Хятадын уран зохиолын дээж болох Лү Шю ний шагналт зохиолын сонгомол болон өөрсдийн бүтээлийн дээжийг МЗЭ, Үндэсний номын сан, мөн хүрэлцэн ирсэн зохиолчдод бэлэглэсэн. Түүнчлэн МЗЭ-д “Монголын нууц товчоо”- г эртний уйгар жин, монгол бичгээр бичсэнээр хоёр хувийг гардуулан өглөө. Зохиолчид бүтээлээ солилцохын зэрэгцээ, зохиол, бүтээлүүдээ харилцан орчуулах талаар ярилцлаа. Манай зохиолчид бүтээлээ хятад хэлээр орчуулж болох зөвшөөрлийг тэдэнд өгсөн юм. Ардын уран зохиолч Т.Галсан “Аж төрөх ёс гэдэг нэг нь газраар хүн бордож, хүнээр газар борддог суурьшмал иргэншилтэй. Нөгөө нь тэнгэрийн хишгийг газраас мал нь хүртээд малынхаа буянаар хүн нь амьдардаг. Гэвч утга зохиолын аугаа их тэнгэр, түүний газарт урга сан цэцэгс мэт бүтээлд нь адил төстэй бас ялгаатай зүйл олон юм. Энэ хүмүүсийн зохиолын дээжийг авлаа. Монгол, Хятадын уран зохиол улам бүр харилцан шүтэлцээтэй хөгжих бол тугай” хэмээн ерөөв.

Энэ үеэр Өвөрмонголын Багшийн их сургуулийн доктор, профеvсор Ц.Цолмонгоос цөөн асуултад хариулт авлаа.

-Өвөрмонгол зохиолчид ямар сэдвээр зохиол бүтээлээ голчлон туурвиж байна вэ?

-Сэдэв их тэлж байна. Эх орон, эцэг эх, түүх, соёлын сэдвүүд давамгайлж байгаа. Мөн өөрийн сэрэл мэдрэмжээ бичдэг болж. Адил бус цаг үед зохиол бүтээлийн сэдэв нь адилгүй л дээ. Цэцэг дээшээ ургадаг байтал, доошоо ургадаг гэж бичиж болно. Учир нь үндэс нь доошоо ургадаг шүү дээ. Ер нь тухайн цаг үе нь яруу найрагчаа төрүүлдэг бөгөөд яруу найрагч цаг үетэйгээ нэг амьсгаатай байх хэрэгтэй.

-Хятадын зүгээс зохиол бүтээлд хориг тавих зүйл байдаг уу?