1.БНСУ-ын Сөүлийн нисэх буудал

2.Тайландын Бангкок

3.Тайванийн Тайпэй

4.Хавайн арлын Хонолулу

5.Америкийн Нью Йорк

6.Хятадын Хонконг

7.Францын Парис

8.Английн Лондон

9.Индонезийн Бали арлын Денпасар

10.Америкийн Лос Анжелес

Харин өнгөрсөн жилийн наймдугаар сартай харьцуулахад хайлтын тоо эрс нэмэгдсэн нисэх буудлуудын тоонд манай “Чингис хаан” нисэх буудал орсон байна. Өнгөрсөн жил хайлтын тоогоор 104-т байсан “Чингис хаан” энэ жил 71-д дэвшиж, үсрэнгүй амжилт гаргажээ.

“Open door” компаниас энэ талаар “Энэ жил Монгол Япон улсын хооронд дипломат харилцаа тогтоосны 40 жилийн ой тохиож буй тул монголчууд японы жуулчдыг татах тал дээр сайн ажиллаж байгаа. Нарита-Улаанбаатарын чиглэлд нислэг хийдэг МИАТ компани зуны улиралд нислэгийнхээ тоог нэмсэн, мөн шинээр гарч ирсэн “Монголиан Эйрлайнз” компани долоо, наймдугаар сард Ханэда-Улаанбаатарын чиглэлд тогтмол нисэх болсноор энэ буудлыг манай үйлчлүүлэгчид сонирхох болсон байна.

Мөн Монгол орон дэлхийн анхааралд өртөх болсон, Монголын нисэх буудал, нислэгийн компаниудын цахим хуудас сайжирсантай холбоотой” гэж тайлбарласан байна.