Хүүхэд залуус чөлөөт цагаа зөв боловсон өнгөрүүлэх газар нийслэлд цөөн байгаа талаар иргэд байнга шүүмжилдэг. Тэгвэл энэ асуудлыг Баянзүрх дүүргийнхэн бага ч атугай шийдвэрлэж чадав. Тэд 2012 оныг “Хөрөнгө оруулалт, иргэдийн оролцоог нэ мэг дүүлэх жил” болгон зарласан. Энэ ажлынхаа хүрээнд тус дүүргийн 21 дүгээр сургуулийн дэргэд Усан спортын сургал тын төв барьж, өчигдөр нээв. Уг төв дээвэр дээрээ сагсан бөмбөгийн талбай тай, доод давхартаа фитнесс, чийрэгжүүлэлт, аэробэкийн танхим тай аж. Манай улсад анх удаа барилгын дээврийг сагсан бөмбөгийн талбай болгон ашиглаж байгаа нь энэ. Дээрх төвийн нээлтэд оролцсон Баянзүрх дүүргийн Засаг дарга Б.Батзориг “Өнгөрсөн оны арван нэгдүгээр сард эл төвийн барилгын ажил эхэлж, богино хугацаанд ашиглалтад орууллаа. Өвөл зунгүй ажиллах уг бассейнд манай дүүргийн иргэд хамрагдах бүрэн боломжтой. Тэрбум гаруй төгрөгөөр барьсан энэ төвд хамгийн сүүлийн үеийн технологи ашигласан” гэв. 25 метр урттай гурван зам бүхий эл бассейны усыг хүчилтөрөгчөөр байнга ариутгаж байх юм байна. Нэг дор 30 хүн сэлэх боломжтой бөгөөд өдөрт 200-300 хүнд үйлчлэх хүчин чадалтай гэсэн.