Иймд Монгол Улсын ШУА-ийн Хими, ХимиТехнологийн хүрээлэнгийнхэн цахилгаан станцын хаягдал үнсийг дэвшилт арга технологоор боловсруулан нэмүү өртөг шингээсэн бүтээгдэхүүн үйлдвэрлэх чиглэлээр туршилт судалгааны ажил хийж эхэлжээ. Энэ судалгааныхаа чиглэлээр ӨАБНУын төлөөлөгчидтэй хамтарч хаягдал үнс болон нүүрсийг боловсруулах чиглэлээр хамтын төсөл, судалгаа хийх боломжийг хайж байгаа аж. “Манай улсын эдийн засгийн аюулгүй байдлыг хангахад нүүрсийг шингэрүүлэн, шингэн түлш үйлдвэрлэх үйлдвэр байгуулах нь онцгой ач холбогдолтой. Энэ чиглэлийн үйлдвэрийг манай зарим аж ахуйн нэгжүүд барьж эхлээд байна. ӨАБНУ-ын САСОЛ компанийн төлөөлөгчид манай улсын нүүрсний шингэрүүлэлтийг сонирхож буй аж ахуйн газруудтай уулзан хамтарч ажиллах талаар санал солилцож, харилцан ойлголцлын санамж бичигт гарын үсэг зурахаар төлөвлөсөн. Энэ нь хоёр улсын шинжлэх ухаан, техноло гийн хам тын ажиллагааг шинээр бий болгоно” гэж судалгааны багийн ахлагч, ШУА-ийн Хими, Хими-Технологийн хүрээлэнгийн академич Ж.Тэмүүжин ярив.
Тус улсын Шинжлэх ухаан технологийн газар, Баруун булангийн их сургууль, Технологийн инновацийн агентлаг, Минтек эрдсийн судалгааны байгууллага, Шинжлэх ухаан үйлдвэрлэлийн судалгааны зөвлөл, төрийн мэдлийн цахилгаан үйлдвэрлэгч “Эском” компанийн төлөөлөгчид болон САСОЛ ком анийн эрдэм шинжилгээ хариуцсан ерөнхий судлаач, ерөнхий менежер зэрэг хариуцлагатай албаны төлөөлөгчид иржээ. ӨАБНУ нь эрчим хүч, уул уурхайн бүтээгдэхүүний үйлдвэрлэлээр дэлхийд тэргүүлдэг улсын нэг. Тиймээс эдгээр бүтээгдэхүүнийг боловсруулж нэмүү өртөг шингэсэн бүтээгдэхүүн үйлдвэрлэх чиглэлээр асар их туршлага хуримтлуулжээ.
САСОЛ компани нүүрсийг шингэрүүлж шингэн түлш гарган авах анхны үйлдвэрийг тус улсад 1955 анх ашиглалтад оруулсан бөгөөд энэ нь компанийг дэлхий нийтээр нүүрсийг шингэрүүлэх чиглэлээр үйлдвэрлэлийн түвшинд амжилттай ажиллаж буй цорын ганц компани гэж үздэг аж. Ийм ч учраас ӨАБНУ-тай нүүрс шингэрүүлэх чиглэлээр хамтран ажиллах шаардлагатай гэж манай эрдэмтэд үзэж байна.
kkkkkkkkkk