Бичлэгийн тоо 3,329
Их
Монгол Улс байгуулагдсаны 806, Ардын хувьсгалын 91 жилийн ойн их баяр
наадмаас эхлэн “Спирт бал бурам” хувьцаат компани нэгэн шинэ шагнал
санаачилж, тухайн жилийн хамгийн од хийморьтой бөхийг тодруулан “Эрийн
хийморь” шагнал олгохоор шийдвэрлэжээ.
Тодруулбал, монгол эрчүүдийн хийморийн бэлгэдэл болсон чонын алтан шагайг наадмын тэнгэрлэг хийморьтой бөхөд олгох гэнэ. Гэхдээ энэхүү шагналыг энэ удаа төрийн их баяр наадамд түрүүлж, үзүүрлэсэн бөхөд олгохгүй. Харин тавын даваанд тунан барилдаж, давсан хүчит бөхөд олгох юм байна. Төрийн их баяр наадмын тавын даваа бол бөхчүүдийн жинхэнэ чансаа, ур ухаан, чадварыг шалгадаг. Энэ даваанд тунаж барилдана гэдэг чадалтай аавын хүүгийн чансаа шалгах даваа гэдэг.
Энэ жилийн төрийн их баяр наадмын тавын даваанд тунан барилдаж “Спирт бал бурам” хувьцаат компанийн “Эрийн хийморь” шагнал шагналын эзэн болох хамгийн азтай, одтой, чадалтай, хийморьтой бөхөөр хэн тодрох бол? “Спирт бал бурам” компани Зүүн Азийн наадмын аварга, мэргэн буудагч, ОУХМ Ц.Мөнхзул, сагсан бөмбөгийн лигийн гурван удаагийн аварга “Харцага” зэрэг тамирчид, багийн ерөнхий ивээн тэтгэгчээр ажиллаж, биеийн тамир, спортын хөгжлийн үйлсэд бодит хувь нэмэр оруулсаар яваа билээ.
