Хонконгийн хөрөнгийн биржид бүртгэлтэй “Mongolia Mining Corp” компани БНХАУ-ын нүүрсний импортын хэмжээ хангалттай тул 800 сая ам.долларыг Ухаахудаг-Гашуун сухайт чиглэлийн төмөр зам барихад зарцуулна гэж мэдэгд сэнийг “Bloomberg” дамжуулав. Ингэснээр Хятадын нүүрсний импорт хоёр дахин нэмэгдэх гэнэ. Өмнөх онд Монгол Улс БНХАУ-д нийт 20 сая тонн түүхий нүүрс нийлүүлсэн байна.

“Mongolia Mining Corp”-ийнхан 250 км (155 миль) урт төмөр зам барьснаар Хятад улс дахь экспортоо 30 сая тонн болгож өсгөх боломжтой хэмээн тооцоолжээ. Баасан гаригт тус компанийн хувьцаа 3.6 хувиар нэмэгдэн 4.36 хонконг доллар болсон байна. Гэхдээ энэ оны эхний хагаст коксжих нүүрсний үнэ 15 хувиар багасаад буйг “Mongolia Mining Corp”-ийн гүйцэтгэх захирал Г.Батцэнгэл ярьсан байна.

Өмнөх сарын 30- ны байдлаар дэлхийн зах зээлд тонн нүүрсний үнэ 206 ам.доллар болж буурсан ч шинжээчдийн таамаглаж буйгаар 225 “ногоон” болж өсөх магадлалтай гэнэ. MMC компанийнхан Ухаа худаг дахь ордын олборлолтоо энэ онд 41 хувиар нэмэгдүүлэн 10 сая болгож өсгөхөөр төлөвлөжээ. Ирэх онд дээрх тоо 15 сая болж дээшлэх аж.