Тодруулбал, жилд хоёр сая тонн кокс, 450 мянган тонн катодын зэс, 4.5 сая тонн үрлэн төмөр, нэг сая тонн цемент үйлдвэрлэх хүчин чадалтай цогцолбор барих боломжтой аж. “Сайншандын үйлдвэрийн цогцолбор барихад нийт 9.3 тэрбум ам.долларын хөрөнгө оруулалт шаардлагатай. Эхний ээлжинд кокс, химийн үйлдвэр барьж эхэлнэ.

2018 оны дунд үед гол үйлдвэрүүд ашиглалтад орно гэж тооцоолсон” хэмээн ҮХШХны дэд дарга Л.Зориг ярилаа. Дээрх үйлдвэрүүдийн барилгын ажлыг хувийн хөрөнгөөр гүйцэтгэх сонирхолтой компаниудын дунд тендер зарлан сонгон шалгаруулах юм байна.

Сайншандын аж үйлдвэрийн цогцолборт жилд 12 сая тонн түүхий эд, материал, долоон сая тонн орчим боловсруулсан бүтээгдэхүүний тээвэр хийх тул ачаа, тээврийн иж бүрэн байгууламж барих шаардлагатай аж. Жилд дунджаар 11.8 сая тонн ус хэрэглэхээр байгаа бөгөөд эхний ээлжинд Бор-Хөөврийн ордын нөөцөөс хангахаар төлөвлөжээ. Ца шид усны нөөцийн судал гаа хийн, нөөцийг баталгаажуулж, нэмэгдүүлэхээр төлөвлөжээ.

Цогцолборын бүтээн байгуулалтын шатанд нийт 10 мянга гаруй, ашиглалтын шатанд 2400 орчим тогтмол ажлын байр бий болохоор байгаа гэнэ. Үүнтэй холбоотойгоор 21 мянган хүнтэй суурьшлын шинэ бүс үүсэх тооцоо гарчээ. Иймээс ШУТИС, Мэргэжил сургалт үйлдвэрийн төвүүдэд уг цогцолборт ажиллах инженерийн захиалга өгч байгаа гэсэн. Шаардагдах боловсон хүчнийг бэлтгэх ажилд хамтран ажиллах хүсэлтэйгээ гаднын өндөр хөгжилтэй орнуудаас илэрхийлсэн гэж байна. Тухайлбал, Японы JAICA байгууллагаас Монголд 450 инженер бэлтгэх саналыг Засгийн газарт тавьсан гэнэ. Уг цогцолборыг ашиглалтад оруулснаар аж үйлдвэрийн салбарын ДНБ-д эзлэх хэмжээ 57 хувь болж өсөн, Монгол Улсын эдийн засгийн өсөлт 2013-2021 онд дунджаар 15.8 хувьд хүрэх боломжтой гэж тооцоолжээ.

Ц.БОЛОРМАА