Бичлэгийн тоо 3,329
Торонто,
Хонконгийн хөрөнгийн биржид бүртгэлтэй “SouthGobi Resources” компани
Овооттолгойн ордоос Шивээ хүрэнгийн хилийн боомт хүртэл авто зам барих
ажлыг эхлүүлсэн тухай marketwatch.com цахим хуудсанд мэдээлжээ. Өмнөх
оны наймдугаар сарын эхээр хатуу хучилттай уг авто замыг барих
концессийн эрхийг Төрийн өмчийн хорооноос авсан “SouthGobi Resources”
замын ашиглалтын эрхийг 15 жил эзэмших гэнэ.
Дээрх авто замыг ашиглалтад оруулснаар жилд 20 сая тонн нүүрс тээвэрлэх боломж бүрдэх аж. Энэ талаар тус компанийн Ерөнхийлөгч бөгөөд гүйцэтгэх захирал Александр Молинье “Шинэ авто замыг барьснаар тоосжилт багасан, нүүрс тээвэрлэх аюулгүй байдал дээшилж, тээвэрлэлтийн хэмжээ ч нэмэгдэх болно” гэж ярьжээ.
Одоогоор тус компани Овооттолгойн ордоос олборлож буй бүх нүүрсээ БНХАУ-д экспортолж буй бол цаашид Азийн бусад оронд нийлүүлэх төлөвлөгөөтэй байгаа аж.
