Бичлэгийн тоо 3,329
Ц.Энхтуяа,
Д.Соёлмаа, В.Ундраа, Б.Хонгорзул, Б.Шатарсайхан, Б.Насанцэнгэл нарын
арван эмэгтэй зураач олон улсын эмэгтэй зураачдын үзэсгэлэнд оролцохоор
бэлтгэлээ базааж байна. Олон орны эмэгтэй уран бүтээлчдийг танилцуулах,
уран бүтээлийн талаар санал солилцоход нь дэмжлэг үзүүлэх зорилготой уг
үзэсгэлэнг Дэлхийн эмэгтэй зураачдын холбооноос хоёр жил тутамд зохион
байгуулдаг бөгөөд энэ удаа Вьетнам улсад болох аж.
Энэ жилийн үзэсгэлэн “Дэлхийн шинэ урлаг дахь эмэгтэй зураачдын хувь нэмэр” сэдвийн дор болох бөгөөд уг үзэсгэлэнд бусдыг арьс өнгөөр ялгаварлан гадуурхсан өнгө аяс, аливаа улсын соёл, зан заншил болон үндэстэн ястан руу давшилсан санаатай бүтээл оролцуулахыг хориглодог юм байна. Зураач бүсгүйчүүд энэ сарын 19-нд Вьетнамыг зорино. Дашрамд дуулгахад, 2014 онд болох Олон улсын эмэгтэй зураачдын үзэсгэлэнг манай оронд зохион байгуулах юм байна.
