Өөрийг нь хүлээж байсан олон сэтгүүлч, дэмжигчдийг хараад тэрбээр “Та нарыг хараад хэсэгтээ л балмагдлаа. Тэмцээнд оролцох эрхийг авсан тухай анх сонссоод төрсөн өдрөөр минь надад гэнэтийн бэлэг болсон. Том тэмцээнд түрүүлсэндээ сэтгэл хангалуун байна. Тухайн үед үнэхээр юу болоод байна гэж бодсон.

Нэг их баярлаж сүйд болоогүй. Надад ийм сайхан хоолой заяасан аав, ээждээ баярлалаа. Мөн Ц.Ерөө багшдаа, найз бүсгүй Н.Туяадаа баярлалаа. Цаашид Пласидо Домингогийн нэрэмжит тэмцээнтэй чансаагаараа дүйцэхүйц томоохон хоёр, гурван ч уралдаанд оролцох урилга хүлээж байгаа. Би эх орныхоо нэрийг өндөрт өргөхийн төлөө, Дуурийн урлагт өөрийнхөө дуу хоолойг үлдээхийн төлөө хичээнэ” гэв.