Монголын спортын автомашин сонирхогч дын “М 77” клубийн тамирчид “Байкал мотор шоу-2012” олон улсын тэмцээнд эх орноо төлөөлөн оролцохоор болжээ. Энэ сарын 26, 27-нд ОХУ-ын Эрхүү хотод зохион байгуулах тус тэмцээний шалгаруулалтыг машины нэмэлт тоноглолын төрлөөр хийхээрээ онцлог. Машины загвар чухал биш, харин хэрхэн тоноглосон нь тэмцээний үзүүлэлтэд нөлөөлөх юм байна. Шалгаруулалт нийт есөн төрлөөр болох бөгөөд 12 хүний бүрэлдэхүүнтэй манай баг тамирчид таван төрөлд “Nissan Silvia S15”, “Nissan Skyline GTT 34”, “Nissan GTT 32”, “Toyota Celica” маркийн автомашинтай өрсөлдөнө. Уралдааны бүх зардлыг “Мандал” даатгал ивээн тэтгэх гэнэ.