Монголчууд бидний сайн танил Дээд Монголын Хөх нуурын гэгээнтэн Ажиа Ринбүүчи энэ сарын 3-нд Монголд морилон ирлээ. Гэгээнтэн 15-ны өдөр хүртэл Монголд саатна. Ажиа гэгээнтэн энэ сарын 5-6-нд Дашчойлин хийдэд “Улаан юм” ном уншиж, сүсэгтэн олонд адис хүртээн буяны ажлаа эхлүүллээ.

Айл гэрт эд агуурс дуудаж, өвчин зовлонгоос ангид энх тунх элэг бүтэн байлгах, аливаа муу зүйлээс ангижруулах “Улаан юм” номыг уншуулснаар тухайн жилийн заслаа хийлгэсэнтэй дүйцдэг ажээ. Энэ хоёр өдөр Ажиа гэгээнтнээс адис хүртэж, ном сонсох гэсэн сүсэгтэн олны хөлд Дашчойлин хийд дарагдсан байв.