Бичлэгийн тоо 3,329
Монгол
Улс, БНХАУ-ын Засгийн газар хооронд харилцан соёлын сар зохион
байгуулахаар тохиролцож энэ оны хоёрдугаар сард гарын үсэг зурсан билээ.
Соёлын сарын хүрээнд БСШУ-ы сайд Ё.Отгонбаяр энэ өдрүүдэд өмнөд хөршийн
нийслэл Бээжин хотод ажлын айлчлал хийж байна. Тэрбээр Бээжин хотын
Лингуан сүмд зочилж, тус сүмийн дээдийн шүтээн Бурхан багшийн шүдэнд
мөргөлөө. Бурхан багшийн эрдэнийн шарилын хэлтэрхий болох энэхүү шүд нь
Монголоос гадна Хятад, ШриЛанк улсад байдаг гэдэг.
Соёлын сарын үндсэн арга хэмжээ өчигдөр эхэлсэн бөгөөд БСШУ-ы сайд Ё.Отгонбаярыг БНХАУ-ын Соёлын сайд хүлээн авч уулзав. Энэ өдөр сайд “Эксим” банкны удирдлагууд болон Бээжин хотод суралцаж буй монгол оюутнуудын төлөөллийг хүлээн авч уулзлаа. Мөн өчигдөр ЮНЕСКО-гийн дэлхийн биет бус соёлын өвд бүртгэгдсэн Монголын ардын урлагийн гайхамшигт төрөл зүйл болох уртын дуу, хөөмий, бий бийлгээ, тууль, морин хуур, цуурын гайхамшигийг харуулсан Монголын урлагийн тоглолт болов.
Тоглолтод ДБЭТ, ҮДБЭЧ, Морин хуурын чуулгын уран бүтээлчид оролцжээ. Тоглолтыг төрийн шагналт Н.Жанцанноров найруулан тавьсан байна.
