Гадаадад ажиллаж амьдарч байгаа манай иргэдээс 112 мянга нь албан ёсны бүртгэлтэй аж. Тэдний 30-аад мянга нь иргэний шинэчилсэн бүртгэлд хамрагдан, УИХ-ын сонгуульд саналаа өгөх боломжтой болжээ. Ямар журмаар саналаа өгөх, саналыг Сонгуулийн ерөнхий хороонд хэрхэн хүргэх, битүүмжлэл, нууцлал нь ямар байх тухай журам гарч гадаадад байгаа ЭСЯ, Дипломат төлөөлөгчийн газруудад тараажээ. Гадаадад байгаа иргэдээс санал авах өдрийг УИХ тогтоох бөгөөд тухайн өдрийн 07.00 цагаас 20.00 цаг хүртэл үргэлжлэх аж.

Сонгуулийн ерөнхий хороо, Гадаад харилцааны асуудал эрхэлсэн Засгийн газрын гишүүн хамтран Салбар комисс байгуулах бө гөөд санал авах өдрөөс 26-аас доошгүй хоногийн өмн ө сонгуульд оролцохоо мэдэг дэж, бүртгүүлэх гэнэ. Тэдэнтэй холбоотой мэдээлэл үнэн эсэхийг Улсын бүртгэлийн ерөнхий газраар давхар хянуулах юм. Саналаа өгөхдөө иргэний үнэмлэх, эс бөгөөс гадаад паспорттой очиж, Сонгуулийн ерөнхий хорооноос баталсан, маягтад овог нэр, регистрийн дугаар, эх орондоо оршин сууж байсан гэрийн хаяг, одоо оршин сууж буй хаягаа бичих аж.