Монголын тамирчид “Лондон-2012” олимпийн 12 эрхийг албан ёсоор аваад байсан юм. Тэгвэл 13 дахь эрхийг ДАШТ-ий мөнгөн медальт боксчин Нямбаярын Төгсцогт авчирлаа. Казахстанд үргэлжилж буй эрэгтэй боксчдын олимпийн эрхийн сүүлийн тэмцээнд тэрбээр хүрэл медалийн болзол хангаж, Лондонг зорих “виз”-ээ авсан юм. Түүний тоглосон 52 кг-д 19 боксчин хүрэлцэн ирсэн бөгөөд манай хүн хамгийн хэцүү сугалаа татсан.

Тэрбээр эхний даваанд Азийн наадмын аварга Филиппиний Рей Салударыг хоёрдугаар үед буулган авч, 16-д үлдсэн. Тоглолтын явцад өрсөлдөгчийнх нь дасгал жуулагч тамирчнаа гэмтэхээс сэргийлэн алчуур шиджээ. Энэ үед Н.Төгсцогт 10:3-аар илүүрхэж байсан юм. Улмаар да раагийн даваанд Ази тивийн аварга, Азийн наадмын хүрэл медальт Энэтхэгийн Суранжой Сингхийг 30:10-аар илт илүүр хэж, шилдэг наймд шалгарсан билээ.

Харин даваа гаригт манай боксчин Пакистаны Мухаммад Васемийг 22:9- өөр хожиж, хүрэл медалийн болзлыг олимпийн эрхийн хамт биелүүлэв. Тэрбээр өнөөдөр Японы Кацүаки Сүсатай мөнгөн медалийн төлөө тоглоно. Түүнчлэн ОУХМ Б.Түвшинбат (69 кг) өнөөдөр Лондонг зорих, эсэхээ шийдэх чухал тулааныг БНСУ-ын Ким Жүн-Воны эсрэг хийх гэж байна. Түвшинбат өмнөх даваанд Пакистаны З.Аббасыг 13:4-өөр хожиж, хүрэл медалийн болзол хангаад байв. Түүний жинд гурван эрх байгаа болохоор манай хүн дахин нэг ялах шаардлагатай билээ. Гэхдээ муугаар бодоод хожигдлоо ч гэсэн солонгос боксчин түрүүлчихвэл гурав дахь эрх Түвшинбатад ирэх юм.