Өнгөрсөн оны аравдугаар сард манай улсад хийсэн ХБНГУ-ын Канцлер Ангела Меркелийн айлчлалын үеэр хоёр улс “Ашигт малтмал, аж үйлдвэр болон технологийн салбарт хамтран ажиллах тухай” хэлэлцээрийг байгуулсан билээ. Уг хэлэлцээрийг хэрэгжүүлэх Монгол, Германы Засгийн газрын Ажлын хэсгийн анхдугаар хуралдаан Берлин хотноо гуравдугаар сарын 29-нд болсон бөгөөд уг хурлыг ЭБЭХ-ний сайд Ц.Гарамжав, ХБНГУ-ын Эдийн засаг, технологийн яам ны төрийн нарийн бичгийн дарга Хайтцер нар удирджээ.

Тус хуралдаанаар Монголд нүүрс хийжүүлэх, шингэрүүлэх төслийг хэрэгжүүлэх, Монгол Германы хамтарсан уул уурхайн академийг манайд байгуулах, Монголын геологи, хайгуул, уул уурхайн салбарын эрх зүйн орчныг боловсронгуй болгох чиглэлд, сэргээгдэх эрчим хүчний салбарт хамтран ажиллахаар тохиролцсон тухай ЭБЭХЯнаас өнгөрөгч баасан гаригт мэдээллээ. Мөн энэ үеэр ХБНГУаас манайд улсад нийт 26 сая еврогийн буцалтгүй тусламжийг олгохоор шийдвэрлэж, 15 саяыг нь байгаль орч ны чиглэлийн төслүүдэд зар цуулахаар болжээ. Түүнчлэн хоёр талын бизнесийн төлөөлөл багтсан Эдийн засгийн хороог байгуулж, хамтран ажиллах гэрээ, санамж бичгийг байгуулсан аж. Тухайлбал, Та вантолгойн цахилгаан станцын төслийн хүрээнд турбин нийлүүлэх, Тайшир Алтайн усан хангамжийн төслийг хэрэгж үүлэх болоод Германы тэргүүлэгч “Tyssen Krupp Ude” компанитай нүүрс шингэрүүлэх, коксжуулах үйлдвэр барих, тус компанийн зардлаар уул уурхай, эрдэс баялгийн чиглэлээр инженер бэлтгэх санамж бичгийг үзэглэжээ.